ഇത്തവണ മത്സരിക്കാനില്ല, രാഷ്​ട്രീയത്തിന്​ ഇടവേള നൽകി​ പ്രിയ ദത്ത്​

മുംബൈ: ഇത്തവണ ലോക്​സഭ തെരഞ്ഞെടുപ്പിൽ മത്സരിക്കാനില്ലെന്ന്​ മുൻ കോൺഗ്രസ്​ എം.പിയും നടൻ സുനിൽ ദത്തി​​​െൻറ മ കളുമായ പ്രിയ ദത്ത്​. കഴിഞ്ഞ വർഷങ്ങൾ തനിക്ക്​ ഉണർവ​ും വെളിച്ചവും പകർന്നതായും അതേസമയം രാഷ്​ട്രീയ ബാധ്യതകൾ ജീവി തത്തിൽ പല നഷ്​ടങ്ങൾക്കും കാരണമായതായും പ്രിയ വ്യക്തമാക്കി.

വ്യക്തി ജീവിതവും രാഷ്​ട്രീയ ജീവിതവും ഒരുമിച്ചു കൊണ്ടുപോകാൻ വളരെ കഷ്​ടപ്പെട്ടു. ത​​​​െൻറ മണ്ഡലത്തിനു വേണ്ടി കഴിയാവുന്നതെല്ലാം ചെയ്​തിട്ടുണ്ട്​. വളരെ സത്യസന്ധമായി അവരുടെ പ്രാതിനിധ്യം വഹിച്ചിട്ടുണ്ട്​. തെരഞ്ഞെടുപ്പിൽ മത്സരിക്കുകയാണ്​ ജനങ്ങളെ സേവിക്കുന്നതിനുള്ള ഏക മാർഗമെന്ന്​ താൻ വിശ്വസിക്കുന്നില്ലെന്നും സജീവ രാഷ്​ട്രീയത്തിന്​ ഇടവേള നൽകുകയാണെന്നും അവർ വാർത്താകുറിപ്പിലൂടെ അറിയിച്ചു.

പിതാവ്​ സുനിൽ ദത്തി​​​െൻറ പിൻഗാമിയായി 2005ലാണ്​ പ്രിയ ദത്ത്​ തെരഞ്ഞെടുപ്പ്​ രാഷ്​ട്രീയത്തിലേക്കെത്തുന്നത്​. നോർത്ത്​ സെൻട്രൽ മുംബൈ മണ്ഡലത്തിൽ നിന്ന്​ മൂന്ന്​ പൊതു തെരഞ്ഞെടുപ്പുകളെ നേരിട്ട പ്രിയ ദത്തിന്​ 2014ൽ അടി തെറ്റി. ബി.ജെ.പിയിലെ പൂനം മഹാജൻ പ്രിയ ദത്തിനെ പരാജയപ്പെടുത്തുകയായിരുന്നു.