Top
Begin typing your search above and press return to search.
exit_to_app
exit_to_app
VK Sasikala
cancel
Homechevron_rightNewschevron_rightIndiachevron_rightവി.കെ. ശശികല ആശുപത്രി...

വി.കെ. ശശികല ആശുപത്രി വിട്ടു; ഒരാഴ്ച നിരീക്ഷണത്തിൽ

text_fields
bookmark_border

ബംഗളൂരു: തമിഴ്​നാട്​ മുൻ മുഖ്യമന്ത്രി ജയലളിതയുടെ തോഴി വി.കെ. ശശികല ആശുപത്രിവിട്ടു. ബംഗളൂരു വിക്​ടോറിയ ആശുപത്രിയിൽ കോവിഡ്​ ബാധയെ തുടർന്ന്​ ചികിത്സയിലായിരുന്നു അവർ.

അനധികൃത സ്വത്ത്​ സമ്പാദന കേസിൽ പരപ്പന അഗ്രഹാര ജയിലിൽ നാലുവർഷത്തെ ജയിൽ ശിക്ഷ പൂർത്തിയാക്കിയ ശശികല കുറച്ചുദിവസങ്ങൾക്ക്​ മുമ്പാണ്​ മോചിതയായത്​.

ശ്വാസതടസവും പനിയും അനുഭവപ്പെട്ടതിനെ തുടർന്ന്​ ജനുവരി 20നാണ്​ ജയിൽനിന്ന്​ ശശികലയെ ആശുപത്രിയിലേക്ക്​ മാറ്റിയത്​. പിന്നീട്​ കോവിഡ്​ സ്​ഥിരീകരിച്ചു. 10 ദിവസത്തെ ചികിത്സക്ക്​ ശേഷമാണ്​ പുറത്തിറങ്ങുന്നത്​. ഒരാഴ​്​ച നിരീക്ഷണത്തിൽ തുടരും.

ശശികലയെ പിന്തുണക്കുന്ന നിരവധിപേർ ആശുപത്രി പരിസരത്ത്​ തടിച്ചുകൂടിയിരുന്നു. 12.30ഓടെ വീൽ ചെയറിൽ ശശികലയെ പുറത്തെത്തിച്ചു. ഇവരെ കണ്ടതോടെ എ.ഐ.എ.ഡി.എം.കെ പ്രവർത്തകർ മുദ്രാവാക്യങ്ങൾ മുഴക്കുകയും ആരവമുണ്ടാക്കുകയും ചെയ്​തു. 2017ലാണ് ​ശശികലയെ നാലുവർഷത്തെ ജയിൽ ​ശിക്ഷക്ക്​ വിധിച്ചത്​. അനധികൃതമായി 66 കോടി സമ്പാദിച്ചുവെന്നാണ്​ കേസ്​.

തമിഴ്​നാട്ടിൽ നിയമസഭ തെരഞ്ഞെടുപ്പിന്​ മാസങ്ങൾ മാത്രം ബാക്കിനിൽക്കു​േമ്പാഴാണ്​ ശശികലയുടെ തിരിച്ചുവരവ്​.

Show Full Article
TAGS:AIADMK VK Sasikala 
News Summary - Ex AIADMK Leader VK Sasikala Discharged From Hospital
Next Story