ഉപഗ്രഹം നിയന്ത്രിക്കാൻ കഴിയുമെങ്കിൽ ഇ.വി.എം ഹാക്ക്​ ചെയ്യാൻ കഴിയില്ലേ? -കോൺഗ്രസ്​ നേതാവ്​

ന്യൂഡൽഹി: തെരഞ്ഞെടുപ്പിൽ കോൺഗ്രസ്​ ജയിച്ചാലും ഇലക്​ട്രോണിക്​ വോട്ടിങ്​ മെഷീൻ ഒഴിവാക്കണമെന്ന്​ കോൺഗ്രസ്​ നേതാവ്​ ഉദിത്​ രാജ്​.

'ചൊവ്വയിലേക്കും ചന്ദ്രനിലേക്കും അയച്ച ഉപഗ്രഹം ഭൂമിയിൽനിന്ന്​ നിയന്ത്രിക്കാൻ കഴിയുമെങ്കിൽ അവരുടെ മുമ്പിൽ ഇ.വി.എം ലഭിച്ചാൽ ഹാക്ക്​ ചെയ്യാൻ കഴിയില്ലെന്ന്​ പറയുന്നതെങ്ങനെ​? ഹരിയാന തെരഞ്ഞെടുപ്പിൽ ചില ആൺകുട്ടികൾ അവരുടെ കൈയിലെ ബ്ലൂടൂത്ത്​ വഴി ഇ.വി.എം ഹാക്ക്​ ചെയ്യുന്നുണ്ടായിരുന്നു. ബിഹാർ തെരഞ്ഞെടുപ്പിൽ മാത്രമല്ല, എല്ലാ തെരഞ്ഞെടുപ്പിലും ഇതുതന്നെ ഉറച്ചുപറയും' -ഉദിത്​ രാജ്​ ട്വീറ്റ്​ ചെയ്​തു.

അതേസമയം, ബിഹാർ നിയമസഭയിലേക്ക്​ നടന്ന തെരഞ്ഞെടുപ്പിൽ വോ​െട്ടണ്ണൽ പുരോഗമിക്കുകയാണ്​. നിലവിൽ എൻ.ഡി.എ സഖ്യത്തിനാണ്​ മുൻതൂക്കം. മഹാസഖ്യത്തിൽ ഉൾപ്പെട്ട കോൺഗ്രസ്​ 20 സീറ്റിൽ മാത്രമാണ്​ ലീഡ്​ ചെയ്യുന്നത്​. ആർ.ജെ.ഡി 65 സീറ്റുകളിലും ലീഡ്​ ചെയ്യുന്നു. എൻ.ഡി.എയിൽ 74 സീറ്റുകളിൽ ലീഡുമായി ജെ.ഡി.യുവിനെ മറികടന്ന്​ ഏറ്റവും വലിയ ഒറ്റകക്ഷിയാകാൻ ഒരുങ്ങുകയാണ്​ ബി.ജെ.പി​.