ഡൽഹി കലാപരംഗം കണ്ട യമരാജൻ പോലും പദവി രാജി വെക്കും -ശിവ​സേന

ന്യൂഡൽഹി: വടക്കു കിഴക്കൻ ഡൽഹിയിലെ കലാപത്തെ നിശിതമായി വിമർശിച്ച്​ ശിവസേന. കലാപത്തിലെ മൃഗീയ രംഗങ്ങൾക്ക്​ സാക് ഷ്യം വഹിച്ച യമരാജൻ (മരണത്തി​​െൻറ ദേവൻ) പോലും പദവി രാജി വെക്കുമെന്നാണ്​ ശിവസേന കുറ്റപ്പെടുത്തിയത്​. പാർട്ടി മു ഖപത്രമായ സാമ്​നയിലെഴുതിയ മുഖപ്രസംഗത്തിലാണ്​ ശിവ​േസനയുടെ വിമർശനം.

‘‘ഡൽഹി കലാപത്തി​​െൻറ രംഗങ്ങൾ ഹൃദയ ഭേദക മായിരുന്നു. മരണത്തി​​െൻറ ക്രൂര താണ്ഡവം കാണുന്ന യമരാജൻ പോലും പദവി രാജി വെക്കും. നിഷ്​കളങ്കരായ ഹിന്ദു, മുസ്​ലിം കുട്ടികൾ അനാഥരായിത്തീർന്നു. നമ്മൾ അനാഥരുടെ പുതിയ ലോകം സൃഷ്​ടിക്കുകയാണ്​.’’ ശിവസേന പറയുന്നു.

പിതാവി​​െൻറ ഭൗതിക ശരീരത്തിനു മുമ്പിൽ നിൽക്കുന്ന ആൺകുട്ടിയുടെ ചിത്രം വൈറലായിരുന്നു. കലാപത്തിൽ 50ൽപരം ആളുകളുടെ ജീവനെടുത്തവർ ആരാണ്​.? 50 എന്നത്​ കേവലം ഒരു സംഖ്യ മാത്രമാണ്​. പക്ഷേ, യഥാർഥത്തിൽ അത്​ നൂറിൽ കൂടുതലാവും. 500ലേറെ പേർ​ പരിക്കേറ്റവരായുണ്ട്​. കുടുംബാംഗങ്ങളെ നഷ്​ടപ്പെട്ട കുട്ടികളുടെ ചിത്രം കണ്ടതിനു ശേഷവും ആളുകൾ ഹിന്ദു-മുസ്​ലിം എന്നിങ്ങനെ വിശ്വസിക്കുന്നുവെങ്കിൽ അത്​ മനുഷ്യത്വത്തി​​െൻറ മരണമാണെന്നും സാമ്​നയിൽ പറയുന്നു.

ഇന്ത്യയിൽ കലാപം മൂലം നിരവധി കുട്ടികളാണ്​ അനാഥരായതെന്നും മഹാരാഷ്​ട്രയിൽ കാലം തെറ്റി പെയ്​ത മഴയും അനേകം പേരെ അനാഥരാക്കിയിട്ടുണ്ടെന്നും പറയുന്ന സാമ്​ന കുട്ടികൾ നഷ്​ടപ്പെട്ട രക്ഷിതാക്കളെ കുറിച്ചും വിശദീകരിക്കുന്നുണ്ട്​.

ഹിന്ദുത്വം, മതേതരത്വം, ഹിന്ദു-മുസ്‌ലിം, ക്രിസ്ത്യൻ-മുസ്‌ലിം തുടങ്ങിയ തർക്കങ്ങൾ കാരണം ലോകം നാശത്തി​​െൻറ പടിവാതിൽക്കൽ എത്തിയിരിക്കുന്നു. ഒരു ദൈവവും മനുഷ്യരെ സഹായിക്കാൻ എത്തിയിട്ടില്ല. ഇത്തരം പ്രതിസന്ധി ഘട്ടങ്ങളിൽ സർക്കാർ പോലും വാതിൽ കൊട്ടിയടക്കുകയാണ്​ ചെയ്​തത്​. തോമസ് എഡിസൺ ഒരു മതത്തിലും വിശ്വസിച്ചിരുന്നില്ല. എന്നാൽ ഇന്ന്, ശാസ്ത്രവും അദ്ദേഹത്തി​​െൻറ കണ്ടുപിടുത്തവും കാരണം ഓരോ വീട്ടിലും വെളിച്ചം എത്തിയിരിക്കുന്നു. മതത്തേക്കാൾ, വൈദ്യുതി പ്രധാനമാണ്. മതം നൻമയോ അഭയമോ നൽകില്ല. -മുഖപ്രസംഗത്തിൽ പറയുന്നു.