‘പത്താം ക്ലാസ് വിദ്യാർഥിക്ക് പോലും വോട്ട് കൂട്ടി പറയാനാകും, എന്തുകൊണ്ട് കമീഷന് സാധിക്കുന്നില്ല’; വിമർശനവുമായി സഞ്ജയ് സിങ്

ന്യൂ​ഡ​ൽ​ഹി: വോ​ട്ടെ​ടു​പ്പ് ദി​വ​സം പോ​ളി​ങ് ഏ​ജ​ന്‍റു​മാ​ർ​ക്ക് ‘ഫോം -17 ​സി’​യി​ൽ രേ​ഖ​പ്പെ​ടു​ത്തി​യ വോ​ട്ടു​ക​ളു​ടെ ക​ണ​ക്ക് ന​ൽ​കാത്ത തെരഞ്ഞെടുപ്പ് കമീഷൻ നടപടിയെ വീണ്ടും രൂക്ഷമായി വിമർശിച്ച് ആം ആദ്മി പാർട്ടി നേതാവും രാജ്യസഭാംഗവുമായ സഞ്ജയ് സിങ്. പത്താം ക്ലാസ് വിദ്യാർഥിക്ക് പോലും വോട്ടിന്‍റെ കണക്ക് കൂട്ടി പറയാനാകുമെന്നും എന്തുകൊണ്ട് തെരഞ്ഞെടുപ്പ് കമീഷൻ അത് ചെയ്തില്ലെന്നും സഞ്ജയ് സിങ് ചോദിച്ചു.

വോ​​ട്ടെ​ടു​പ്പ് പൂ​ർ​ത്തി​യാ​യി ര​ണ്ട് ദി​വ​സം ക​ഴി​ഞ്ഞി​ട്ടും ​ഡ​ൽ​ഹി നി​യ​മ​സ​ഭ തെ​ര​ഞ്ഞെ​ടു​പ്പി​ന്‍റെ അ​ന്തി​മ വോ​ട്ട് നി​ല തെ​​ര​ഞ്ഞെ​ടു​പ്പ് ക​മീ​ഷ​ൻ വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ചി​ല്ലെ​ന്ന ആ​രോ​പണം ആം ​ആ​ദ്മി പാ​ർ​ട്ടിയാണ് ആദ്യം ഉന്നയിച്ചത്.

നി​ര​വ​ധി ത​വ​ണ അ​ഭ്യ​ർ​ഥി​ച്ചി​ട്ടും ‘ഫോം -17 ​സി’​യും ഓ​രോ നി​യ​മ​സ​ഭാ മ​ണ്ഡ​ല​ത്തി​ലും പോ​ൾ ചെ​യ്ത വോ​ട്ടു​ക​ളു​ടെ ക​ണ​ക്കും ല​ഭ്യ​മാ​ക്കാ​ൻ തെ​ര​ഞ്ഞെ​ടു​പ്പ് ക​മീ​ഷ​ൻ വി​സ​മ്മ​തി​ച്ച​ുവെ​ന്ന് ആ​പ് ദേ​ശീ​യ ക​ൺ​വീ​ന​ർ അ​ര​വി​ന്ദ് കെ​ജ്രി​വാ​ൾ പ​റ​ഞ്ഞത്.

എ​ന്നാ​ൽ, എ​ല്ലാ പ്രി​സൈ​ഡി​ങ് ഓ​ഫീ​സ​ർ​മാ​രും വോ​ട്ടെ​ടു​പ്പ് ദി​വ​സം പോ​ളി​ങ് ഏ​ജ​ന്റു​മാ​ർ​ക്ക് ‘ഫോം -17 ​സി’​യി​ൽ രേ​ഖ​പ്പെ​ടു​ത്തി​യ വോ​ട്ടു​ക​ളു​ടെ ക​ണ​ക്ക് ന​ൽ​കി​യി​രു​ന്നു​വെ​ന്നാണ് ക​മീ​ഷ​ന്‍റെ പ്ര​തി​ക​രണം.