തെരുവുനായ്ക്കൾക്ക് ദയാവധം: അപേക്ഷ അടിയന്തരമായി ​കേൾക്കും

ന്യൂ​ഡ​ൽ​ഹി: ക​ണ്ണൂ​രി​ൽ 11 വ​യ​സ്സു​ള്ള സം​സാ​ര​ശേ​ഷി​യി​ല്ലാ​ത്ത നി​ഹാ​ലി​നെ തെ​രു​വു​നാ​യ്ക്ക​ൾ ക​ടി​ച്ചു​കൊ​ന്ന​ത് അ​ങ്ങേ​യ​റ്റം നി​ർ​ഭാ​ഗ്യ​ക​ര​മാ​ണെ​ന്ന് സു​പ്രീം​കോ​ട​തി അ​ഭി​പ്രാ​യ​പ്പെ​ട്ടു. പേ ​പി​ടി​ച്ച​വ​യോ അ​ത്യ​ധി​കം അ​പ​ക​ട​കാ​രി​ക​ളോ ആ​യ തെ​രു​വു​നാ​യ്ക്ക​ളെ ദ​യാ​വ​ധ​ത്തി​ന് അ​നു​വ​ദി​ക്ക​ണ​മെ​ന്ന ക​ണ്ണൂ​ർ ജി​ല്ല പ​ഞ്ചാ​യ​ത്തി​ന്റെ ആ​വ​ശ്യം അ​ടി​യ​ന്ത​ര​മാ​യി പ​രി​ഗ​ണി​ക്കാ​മെ​ന്ന് വ്യ​ക്ത​മാ​ക്കി​യ സു​പ്രീം​കോ​ട​തി ഇ​ക്കാ​ര്യ​ത്തി​ൽ ജൂ​ലൈ 12ന് ​വാ​ദം കേ​ൾ​ക്കാ​മെ​ന്ന് അ​റി​യി​ച്ചു.

ക​ണ്ണൂ​ർ ജി​ല്ല പ​ഞ്ചാ​യ​ത്തി​ന്റെ ​അ​പേ​ക്ഷ​യി​ൽ 12ന​കം മ​റു​പ​ടി സ​മ​ർ​പ്പി​ക്ക​ണ​മെ​ന്നും തെ​രു​വു​നാ​യ്ക്ക​ളെ സം​ബ​ന്ധി​ച്ച് സു​പ്രീം​കോ​ട​തി​യി​ൽ കെ​ട്ടി​ക്കി​ട​ക്കു​ന്ന കേ​സി​ലെ ക​ക്ഷി​ക​ൾ​ക്ക് എ​തി​ർ സ​ത്യ​വാ​ങ്മൂ​ലം ന​ൽ​കാ​നു​ണ്ടെ​ങ്കി​ൽ അ​ത് ജൂ​ലൈ ഏ​ഴി​ന​കം ചെ​യ്യ​ണ​മെ​ന്നും സു​പ്രീം​കോ​ട​തി ബു​ധ​നാ​ഴ്ച പു​റ​പ്പെ​ടു​വി​ച്ച ഉ​ത്ത​ര​വി​ൽ വ്യ​ക്ത​മാ​ക്കി.

കോ​ട​തി​യു​ടെ ശ്ര​ദ്ധ​യി​ൽ​പ്പെ​ടു​ത്തി​യ​പ്പോ​ൾ ത​ന്നെ കേ​സ് മു​ഖ​വി​ല​യ്ക്കെ​ടു​ത്ത് എ​ല്ലാ ക​ക്ഷി​ക​ൾ​ക്കും എ​തി​ർ​സ​ത്യ​വാ​ങ്മൂ​ല​ത്തി​ന് നോ​ട്ടീ​സ് അ​യ​ച്ച് വാ​ദം​കേ​ൾ​ക്കാ​നു​ള്ള തീ​യ​തി​യും നി​ശ്ച​യി​ച്ച് ഉ​ത്ത​ര​വി​റ​ക്കു​ന്ന അ​പൂ​ർ​വ ന​ട​പ​ടി​യാ​ണ് ജി​ല്ല പ​ഞ്ചാ​യ​ത്തി​ന്റെ അ​പേ​ക്ഷ​യി​ൽ ജ​സ്റ്റി​സു​മാ​രാ​യ സൂ​ര്യ​കാ​ന്ത്, എം.​എം. സു​ന്ദ​രേ​ശ് എ​ന്നി​വ​ര​ട​ങ്ങു​ന്ന ബെ​ഞ്ചി​ന്റെ ഭാ​ഗ​ത്തു​നി​ന്നു​ണ്ടാ​യ​ത്.

ക​ണ്ണൂ​ർ ജി​ല്ല​യി​ലു​ട​നീ​ളം ഇ​വ​യു​ടെ ആ​ക്ര​മ​ണം വ​ർ​ധി​ച്ചി​രി​ക്കു​ക​യാ​ണെ​ന്നും പ്ര​ധാ​ന​മാ​യും കു​ട്ടി​ക​ളാ​ണ് ഇ​ര​യാ​കു​ന്ന​തെ​ന്നും ജി​ല്ല പ​ഞ്ചാ​യ​ത്ത് ബോ​ധി​പ്പി​ച്ചു. ഓ​ട്ടി​സം ബാ​ധി​ച്ച നി​ഹാ​ലി​നെ ക​ണ്ണൂ​ർ മു​ഴ​പ്പി​ല​ങ്ങാ​ട് തെ​രു​വു​നാ​യ്ക്ക​ൾ ക​ടി​ച്ചു​കൊ​ന്ന​തി​ന്റെ​യും സ​മാ​ന​മാ​യ മ​റ്റൊ​രു ആ​​ക്ര​മ​ണ​ത്തി​ന്റെ​യും സം​ഭ​വ​ങ്ങ​ൾ പ​രാ​മ​ർ​ശി​ച്ച അ​ഭി​ഭാ​ഷ​ക​ൻ, ഇ​തി​ന്റെ വി​ഡി​യോ ദൃ​ശ്യ​ങ്ങ​ൾ കാ​ണി​ക്കാ​മെ​ന്ന് പ​റ​ഞ്ഞ​പ്പോ​ൾ വേ​ണ്ടെ​ന്ന് സു​പ്രീം​കോ​ട​തി വി​ല​ക്കി.

കു​ട്ടി​ക​ൾ​ക്കെ​തി​രാ​യ ആ​ക്ര​മ​ണം നി​ര്‍ഭാ​ഗ്യ​ക​ര​മാ​യ സം​ഭ​വ​മാ​ണെ​ന്ന് വ്യ​ക്ത​മാ​ക്കി കേ​സ് അ​ടി​യ​ന്ത​ര​മാ​യി കേ​ൾ​ക്കാ​മെ​ന്ന് കോ​ട​തി സ​മ്മ​തി​ക്ക​ു​ക​യും ചെ​യ്തു. തെ​രു​വു​നാ​യ്ക്ക​ളെ കൊ​ല്ലാ​നു​ള്ള 2006ലെ ​കേ​ര​ള ഹൈ​കോ​ട​തി വി​ധി​ക്കെ​തി​രാ​യ ഹ​ര​ജി​ക​ൾ സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത് ചൂ​ണ്ടി​ക്കാ​ട്ടി കേ​സ് കോ​ട​തി​യി​ൽ കെ​ട്ടി​ക്കി​ട​ക്കു​ക​യാ​ണെ​ന്ന് ബെ​ഞ്ച് പ​റ​ഞ്ഞു.

അ​തേ​സ​മ​യം, കേ​ര​ള​ത്തി​ല്‍ തെ​രു​വു​നാ​യ്ക്ക​ളെ വ്യാ​പ​ക​മാ​യി കൊ​ല്ലു​ക​യാ​ണെ​ന്ന് വാ​ദി​ച്ച മൃ​ഗ​സ്‌​നേ​ഹി​ക​ൾ​ക്കു​​വേ​ണ്ടി ഹാ​ജ​രാ​യ അ​ഭി​ഭാ​ഷ​ക ദ​യാ​വ​ധ​ത്തി​നു​ള്ള ജി​ല്ല പ​ഞ്ചാ​യ​ത്തി​ന്റെ ആ​വ​ശ്യ​ത്തെ എ​തി​ർ​ത്തു. ജി​ല്ല പ​ഞ്ചാ​യ​ത്തി​നു​വേ​ണ്ടി അ​ഭി​ഭാ​ഷ​ക​രാ​യ സു​ഭാ​ഷ് ച​ന്ദ്ര​ൻ, കൃ​ഷ്ണ എ​ൽ.​ആ​ർ എ​ന്നി​വ​ർ ഹാ​ജ​രാ​യി.