സിന്ധ്യയുടെ കൂട്ടാളികളെ വിജയിപ്പിക്കുക; അല്ലെങ്കിൽ വലിയ വിലകൊടുക്കേണ്ടി വരും- പ്രാദേശിക നേതാക്കളോട്​ ബി.ജെ.പി

ഭോപ്പാൽ: കമൽനാഥ്​ സർക്കാറി​െൻറ കാലുവാരി ബി.ജെ.പി പാളയത്തിലെത്തിയ ജ്യോതിരാദിത്യ സിന്ധ്യക്കും കുട്ടാളികൾക്കും അഭിമാനപോരാട്ടമാണ്​ വരാൻ പോകുന്ന മധ്യപ്രദേശ്​ നിയമസഭ ഉപതെരഞ്ഞെടുപ്പ്​. സിന്ധ്യയുടെ വരവോടെ ബി.ജെ.പിയിൽ പാളയത്തിൽ പട തുടങ്ങിക്കഴിഞ്ഞതായി റിപോർട്ടുകൾ പുറത്തു വന്നിരുന്നു.

കഴിഞ്ഞ ആഴ്​ചയാണ്​ മുഖ്യമന്ത്രി ശിവരാജ്​ സിങ്​ ചൗഹാൻ ഉപതെര​ഞ്ഞെടുപ്പിൽ ഒറ്റക്കെട്ടായി പ്രവർത്തിക്കാൻ ബി.ജെ.പി നേതാക്കളോട്​ ആവശ്യപ്പെട്ടത്​. ഇതിന്​ പിന്നാലെ ഉപതെരഞ്ഞടുപ്പിൽ സിന്ധ്യയോടൊപ്പം വന്നവരടക്കമുള്ള മുഴുവൻ പാർട്ടി സ്​ഥാനാർഥികളുടെയും വിജയം ഉറപ്പാക്കാൻ നേതാക്കൾക്ക്​ കർശന നിർദേശം നൽകിയിരിക്കുകയാണ്​ ബി.ജെ.പി ദേശീയ ജനറൽ സെക്രട്ടറി. ബി.എൽ. സന്തോഷ്​.

സ്​ഥാനാർഥി തോറ്റാൽ മണ്ഡലത്തി​െൻറ ചുമതലയുള്ള നേതാക്കൾ നടപടി നേരിടേണ്ടി വരുമെന്ന മുന്നറിയിപ്പും സന്തോഷ്​ നൽകുന്നു. മണ്ഡലം ചുമതല വഹിക്കുന്നവരുടെയും ഉപതെരഞ്ഞെടുപ്പ്​ ​പ്രചാരണ കമ്മറ്റിയുമടങ്ങുന്ന അവലോകന യോഗത്തിലായിരുന്നു അ​ദ്ദേഹത്തി​െൻറ താക്കീത്​. കഴിഞ്ഞ തെരഞ്ഞെടുപ്പിൽ പാർട്ടിക്ക്​ വോട്ട്​ കുറഞ്ഞ ഒമ്പത്​ ദലിത്​ സീറ്റുകളിൽ കാര്യമായ ശ്രദ്ധ പതിപ്പിക്കാനും സന്തോഷ്​ നേതാക്കൾക്ക്​ നിർദേശം നൽകി.

'ഉപതെരഞ്ഞെടുപ്പി​െൻറ ഒരുക്കങ്ങൾ വിലയിരുത്തുന്നതിനായിട്ടായിരുന്നു യോഗം. ഓരോ മന്ത്രിമാർക്കും മണ്ഡലങ്ങൾ വീതിച്ചു നൽകിയിട്ടുണ്ട്​. അവർക്ക്​ അതി​െൻറ ഉത്തരവാദിത്വമുണ്ടായിരിക്കും. കാര്യങ്ങൾ ബി.എൽ. ജോഷിജി കൃത്യമായി വിലയിരുത്തി'- ഉപതെരഞ്ഞെടുപ്പ്​ കമ്മറ്റിയുടെ ചുമതല വഹിക്കുന്ന മന്ത്രി ഭൂ​പേന്ദ്ര സിങ്​ പറഞ്ഞു.

27 സീറ്റുകളിലേക്കാണ്​ ഉപതെരഞ്ഞെടുപ്പ്​. തിയതി ഇതുവരെ പ്രഖ്യാപിച്ചിട്ടില്ല. ഉപതെരഞ്ഞെടുപ്പ്​​ നടക്കു​ന്ന മണ്ഡലങ്ങളി​െല പ്രാദേശിക ബി.ജെ.പി നേതാക്കൾ കാര്യക്ഷമമായി പ്രവർത്തിക്കുന്നില്ലെന്ന റിപ്പോർട്ടുകളുടെ അടിസ്​ഥാനത്തിലാണ്​ ദേശീയ നേതൃത്വത്തി​െൻറ ശാസന. പാർട്ടിക്കുള്ളിലെ അസ്വാരസ്യങ്ങൾ വെളിയിൽ വന്നതോടെ കൃഷി മന്ത്രി നരേന്ദ്ര സിങ്​ തോമറിനെ ഗ്വാളിയോറിലെ തെരഞ്ഞെടുപ്പ്​​് പ്രചാരണങ്ങൾക്ക്​ ചുക്കാൻ പിടിക്കാനായി ദേശീയ നേതൃത്വം ചുമതലപ്പെടുത്തിയിരുന്നു.

'വിമതരും' യോഗത്തിൽ

പ്രചാരണങ്ങളിൽ നിന്ന്​ വിട്ടുനിന്നിരുന്ന മുൻ എം.പി ജയ്​ബൻ സിങ്​ പവയ്യ, മായ സിങ്​, ലാൽ സിങ്​ ആര്യ എന്നിവരും യോഗത്തിനെത്തിയിരുന്നു. ഇവർക്ക്​ മണ്ഡലങ്ങൾ വീതിച്ചു നൽകുകയും ചെയ്​തു. സിന്ധ്യയുമായി നീക്കുപോക്ക്​ സാധ്യമല്ലെന്ന്​ പരസ്യമായി പ്രഖ്യാപിച്ച നേതാവാണ്​ ജയ്​ബൻ സിങ്​ പവയ്യ.

ദേവാസ്​ ജില്ലയിലെ അനൂപുർ മണ്ഡലത്തെ കുറിച്ച്​ പ്രത്യേക പരാമർശമുണ്ടായി. ഇവിടെ നിന്ന്​ കഴിഞ്ഞ മത്സരിച്ച്​ തോറ്റ രാംലാൽ റൗ​ട്ടേല സിന്ധ്യ പക്ഷക്കാരനായ സ്​ഥാനാർഥിക്കായി പ്രചാരണത്തിനിറങ്ങിയിരുന്നില്ല.

സിന്ധ്യയും ചൗഹാനും ഗ്വാളിയോറിൽ സന്ദർശനത്തിൽ

ഉപതെരഞ്ഞെടുപ്പ്​ നടക്കുന്ന 27 സീറ്റുകളിൽ 16ഉം ഗ്വാളിയോർ -ചമ്പൽ മേഖലയിൽ നിന്നാണ്​. സിന്ധ്യക്ക്​ സ്വാധീനമുള്ള മേഖലയിൽ ​ചൗഹാനൊപ്പമോ ​േതാമറിനൊപ്പമോ സന്ദർശനം നടത്തി തെരഞ്ഞെടുപ്പ്​ പ്രചാരണങ്ങൾക്ക്​ കൊഴുപ്പേകാൻ​ ദേശീയ നേതൃത്വം സംസ്​ഥാന കമ്മറ്റിക്ക്​ നിർദേശം നൽകിയിരുന്നു.

വ്യാഴാഴ്​ചയാണ്​ സിന്ധ്യയും ചൗഹാനും ചേർന്ന്​ അഞ്ച്​ ദിവസത്തെ സന്ദർശനത്തിന്​ തുടക്കം കുറിക്കുകയും ചെയ്​തു. വിവിധ പദ്ധതികളുടെ തറക്കല്ലിട്ടും ഓരോ മണ്ഡലത്തിലും വികസന പദ്ധതികൾ തുടക്കം കുറിച്ചും ജനങ്ങളിലേക്ക്​ ഇറങ്ങിച്ചെല്ലാനാണ്​ നേതാക്കളുടെ സന്ദർശനം.