ലോക്​ഡൗണുണ്ടാവില്ല; പ്രാദേശികതലത്തിൽ നിയന്ത്രണം ശക്​തമാക്കാൻ നിർദേശം നൽകി കേന്ദ്ര ആഭ്യന്തര മന്ത്രാലയം

ന്യൂഡൽഹി: രാജ്യത്താകമാനം ലോക്​ഡൗണുണ്ടാവില്ലെന്ന സൂചന നൽകി കേന്ദ്ര ആഭ്യന്തര മ​ന്ത്രാലയത്തി​െൻറ പുതിയ മാർഗനിർദേശം. ​പ്രാദേശിക തലത്തിൽ കണ്ടൈൻമെൻറ്​ സോണുകളുണ്ടാക്കി രോഗബാധയെ പ്രതിരോധിക്കണമെന്ന്​ മന്ത്രാലയം നിർദേശം നൽകി.

മെയ്​ മാസത്തേക്കായി പുറത്തിറക്കിയ പുതിയ മാർഗനിർദേശത്തിലാണ്​ ലോക്​ഡൗൺ സംബന്ധിച്ച പരാമർശം ഉൾപ്പെടാതിരുന്നത്​. ആവശ്യത്ത്​ ഓക്​സിജൻ, ഐ.സി.യു ബെഡ്​, വെൻറിലേറ്ററുകൾ, ആംബുലൻസ്​ എന്നിവ സംസ്ഥാന സർക്കാറുകൾ ലഭ്യമാക്കണമെന്നും ആഭ്യന്തര മന്ത്രാലയം ആവശ്യപ്പെടുന്നുണ്ട്​.

ടെസ്​റ്റ്​ പോസിറ്റിവിറ്റി 10 ശതമാനത്തിൽ കൂടുതലുള്ള ജില്ലകൾ അല്ലെങ്കിൽ 60 ശതമാനം ബെഡുകളും നിറഞ്ഞ ജില്ലകളിലും കടുത്ത നിയന്ത്രണം ഏർപ്പെടുത്തണമെന്നാണ്​ നിർദേശം. ഇൗ ജില്ലകളിൽ പ്രാദേശിക തലങ്ങളിൽ നിയന്ത്രണം ശക്​തമാക്കണം. നിയന്ത്രണങ്ങൾ ഏർപ്പെടുത്തുന്നതുമായി ബന്ധപ്പെട്ട്​ ഏപ്രിൽ 25ന്​ ആഭ്യന്തര മന്ത്രാലയം നൽകിയ ഉത്തരവ്​ പരിഗണിക്കണം.

രാത്രികാലങ്ങളിൽ അവശ്യസർവീസ്​ ഒഴികെ മറ്റെല്ലാം യാത്രകളും നിരോധിക്കണം. സാമുഹിക, രാഷ്​ട്രീയ, കായിക, വിനോദ, സാംസ്​കാരിക, മതപരമായ മുഴുവൻ കൂടിച്ചേരലുകൾക്കും വിലക്കുണ്ട്​. 50 ആളുകൾക്ക്​ മാത്രമേ വിവാഹത്തിൽ പ​ങ്കെടുക്കാൻ അനുമതിയുള്ളു. മരണാനന്തര ചടങ്ങുകളിൽ 20 പേർക്ക്​ വരെ പ​ങ്കെടുക്കാം. ഷോപ്പിങ്​ കോംപ്ലക്​സ്​, സിനിമ തിയറ്റുകൾ, സ്​പോർട്​സ്​ കോംപ്ലക്​സ്​, ബാറുകൾ, ജിംനേഷ്യം, സ്​പാ, സ്വിമ്മിങ്​ പൂൾ എന്നിവ അടിച്ചിടണം. പൊതുഗതാഗതത്തിന്​ നിയന്ത്രണമുണ്ടാവില്ല. അന്തർ സംസ്ഥാന യാത്രകൾ തടയരുതെന്നും ആഭ്യന്തര മന്ത്രാലയം വ്യക്​തമാക്കുന്നു. മെയ്​ 31 വരെയാണ്​ മന്ത്രാലയത്തി​െൻറ പുതിയ മാർഗനിർദേശങ്ങൾ നിലനിൽക്കുക.