Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസാമൂഹിക...

സാമൂഹിക മാധ്യമങ്ങളിലൂടെ ഭീഷണി: ഹസിൻ ജഹാന്​ സുരക്ഷ ഉറപ്പാക്കണമെന്ന്​ കോടതി

text_fields
bookmark_border
സാമൂഹിക മാധ്യമങ്ങളിലൂടെ ഭീഷണി: ഹസിൻ ജഹാന്​ സുരക്ഷ ഉറപ്പാക്കണമെന്ന്​ കോടതി
cancel

കൊൽക്കത്ത: സാമൂഹിക മാധ്യമങ്ങളിൽ പങ്കുവെച്ച പോസ്റ്റുകളുമായി ബന്ധപ്പെട്ട് ചിലർ തന്നെ ഭീഷണിപ്പെടുത്തുന്നുവെന്ന പരാതിയിൽ ക്രിക്കറ്റ് താരം മുഹമ്മദ് ഷമിയുടെ ഭാര്യ ഹസിൻ ജഹാന്​ സുരക്ഷ ഉറപ്പാക്കണമെന്ന്​ കൊൽക്കത്ത ഹൈകോടതി നിർദേശം നൽകി. സിറ്റി പൊലീസ്​ ഇവരുടെ സുരക്ഷ ഉറപ്പാക്കണമെന്ന്​ ​ജസ്​റ്റിസ്​ ബാങ്​സു ബസാക് ഉത്തരവിട്ടു.

സാമൂഹിക മാധ്യമങ്ങളിൽ താൻ പങ്കുവെച്ച കാര്യങ്ങളിൽ വിരോധമുള്ള ചിലർ ഭീഷണിപ്പെടുത്തിയെന്ന്​ ഹസിൻ ജഹാൻ പൊലീസിൽ പരാതി നൽകിയിരുന്നു. എന്നാൽ പൊലീസ്​ തൻെറ പരാതിയിൽ നടപടിയെടുക്കാതെ നിഷ്‌ക്രിയമായി തുടരുകയാണെന്ന്​ ചൂണ്ടിക്കാട്ടി ഹസിൻ ഹൈകോടിയിൽ ഹരജി നൽകുകയായിരുന്നു.

ഹസി​ൻ ജഹാ​െൻറ പരാതി പൊലീസ്​ എഫ്‌.ഐ‌.ആർ രജിസ്റ്റർ ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും സംസ്ഥാനത്തെ മുതിർന്ന അഭിഭാഷകൻ അമിതേഷ് ബാനർജി കോടതിയെ അറിയിച്ചു.

ഹരജിയിൽ വാദം കേട്ട ജസ്​റ്റിസ്​ ദേബാങ്​സു ബസാക്​ ഹസിൻ ജഹാ​െൻറ പരാതിയുടെ അടിസ്ഥാനത്തിൽ സ്വീകരിച്ച നടപടികളെക്കുറിച്ച് റിപ്പോർട്ട് സമർപ്പിക്കാനും പൊലീസിന് നിർദേശം നൽകി. നാലാഴ്ചക്ക്​ ശേഷം ഹരജയിൽ വീണ്ടും വാദം കേൾക്കുമെന്നും അതിനകം റിപ്പോർട്ട് സമർപ്പിക്കണമെന്നും കോടതി നിർദേശിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Social mediaMohammed ShamicricketerHasin Jahan
Next Story