Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാഷ്​ട്രീയ...

രാഷ്​ട്രീയ പാർട്ടികൾക്ക്​ ഇളവില്ല

text_fields
bookmark_border
രാഷ്​ട്രീയ പാർട്ടികൾക്ക്​ ഇളവില്ല
cancel

ന്യൂഡൽഹി: രാഷ്​ട്രീയ പാർട്ടികൾക്ക്​ നോട്ട്​ പിൻവലിക്കലിന്​ ശേഷം പ്രത്യേക ഇളവുകൾ നൽകില്ലെന്ന്​ ധനമന്ത്രി അരുൺ ജെയ്​റ്റ്​ലി. നിലവിലെ ആദായ നികുതി നിയമ പ്രകാരമുള്ള ഇളവുകൾ മാത്രമേ രാഷ്​ട്രീയ പാർട്ടികൾക്ക്​ നൽകു എന്നും​ അദ്ദേഹം പറഞ്ഞു.

1961ലെ ആദായ നികുതി നിയമം 13A വകുപ്പ്​ പ്രകാരമുള്ള ഇളവുകൾ മാത്രമേ രാഷ്​ട്രീയ പാർട്ടികൾക്ക്​ ലഭിക്കു. നിയമത്തിൽ പുതുതായി ഒരു മാറ്റവും വരുത്തിയിട്ടില്ലെന്നും  ജെയ്​റ്റ്​ലി അറിയിച്ചു. നോട്ട്​ പിൻവലിക്കലി​െൻറ പശ്​ചാത്തലത്തിൽ രാഷ്​ട്രീയ പാർട്ടികൾക്ക്​ ആദായ നികുതി ഇളവ്​ നൽകാനുള്ള ശ്രമം നടക്കുന്നവെന്ന്​ ആരോപണങ്ങൾ ഉയരുന്നതിനിടെയാണ്​ വിശദീകരണവുമായി ജെയ്​റ്റ്​ലി രംഗത്തെത്തിയത്​.

ആദായ നികുതി നിയമത്തിലെ 13ാം വകുപ്പ്​ പ്രകാരം രാഷ്​ട്രീയ പാർട്ടികൾ വരവ്​ ചിലവ്​ കണക്ക്​ സമർപ്പിക്കണം. വ്യക്​തികളെ പോലെ തന്നെ രാഷ്​ട്രീയ പാർട്ടികൾക്കും അവരുടെ കൈയിലുള്ള പഴയ നോട്ടുകൾ ബാങ്ക്​ അക്കൗണ്ടുകളിൽ ഡിസംബർ 30 നിക്ഷേപിക്കാം. എന്നാൽ അത്തരത്തിൽ നിക്ഷേപിക്കുന്ന നോട്ടുകളുടെ സ്രോതസ്സ്​ കാണിക്കേണ്ടി വരുമെന്നും ജെയ്​റ്റ്​ലി പറഞ്ഞു.
ആർക്കും ഇളവുകൾ നൽകില്ല. നോട്ട്​ പിൻവലിക്കൽ തീരുമാനം പുറത്ത്​ വന്നയുടൻ ബി.ജെ.പി എം.പി മാരോടും എം.എൽ.എമാരോടും അവരുടെ ബാങ്ക്​ അക്കൗണ്ട്​ വിവരങ്ങൾ സമർപ്പിക്കാൻ പ്രധാനമന്ത്രി നരേന്ദ്ര മോദി ആവശ്യപ്പെട്ടിരുന്നു. മറ്റ്​ പാർട്ടികളും ഇത്​ മാതൃകയാക്കണമെന്ന്​ അദ്ദേഹം ആവശ്യപ്പെട്ടു.

നേരത്തെ രാഷ്​ട്രീയ പാർട്ടികളുടെ അക്കൗണ്ടുകളും പരിശോധിക്കുമെന്ന്​ ആദായ നികുതി വകുപ്പ്​ അറിയിച്ചിരുന്നു.  നോട്ട്​  പിൻവലിക്കലി​െൻറ പശ്​ചാത്തലത്തിൽ ആദായ നികുതി വകുപ്പ്​ രാഷ്​ട്രീയ പാർട്ടികളുടെ അക്കൗണ്ടുകൾ പരിശോധിക്കില്ലെന്ന്​ വാർത്തകൾ പുറത്ത്​ വന്നിരുന്നു. ഇതിനെറ പശ്​ചാത്തലത്തിലാണ്​ വിശദീകരണവുമായി ആദായ നികുതി വകുപ്പും രംഗത്ത്​ വന്നത്​. 20,000 രൂപക്ക്​ മുകളിലുള്ള സംഭാവനകൾക്ക്​ രാഷ്​ട്രീയ പാർട്ടികൾ രേഖകൾ ഹാജരാക്കണമെന്നും ആദായ നികുതി വകുപ്പ്​ അറിയിച്ചു.

Show Full Article
TAGS:currency demonitization 
News Summary - Enough provisions in I-T Act to scrutinise political parties' funds: Tax department
Next Story