ബിപ്ലബ്​ ദേബല്ല 'ബിഗ്​ ഫ്ലോപ്​ ദേബ്​', ത്രിപുരയിൽ ബി.ജെ.പി ദുർഭരണത്തിന്​ അന്ത്യം കുറിക്കാറായെന്ന്​ അഭിഷേക്​ ബാനർജി

അഗർത്തല: ത്രിപുരയിൽ ബി.ജെ.പിയുടെ ദുർഭരണത്തിന്​ അന്ത്യം കുറിക്കേണ്ട സമയമായെന്ന്​ തൃണമൂൽ കോൺഗ്രസ്​ നേതാവ്​ അഭിഷേക്​ ബാനർജി. മുഖ്യമന്ത്രി ബിപ്ലബ്​ ദേബിനെ 'ബിഗ്​ ഫ്ലോപ്്​ ദേബ്​' എന്ന്​ വി​േശഷിപ്പിക്കുകയും ചെയ്​തു. അഗർത്തലയിൽ ഞായറാഴ്ച നടന്ന റാലിയിൽ സംസാരിക്കുകയായിരുന്നു അഭി​േഷക്​.

'ബിപ്ലബ്​ ദേബ്​ ഇപ്പോൾ ബിഗ്​ ​ഫ്ലോപ്​ ദേബാണ്​. ത്രിപുരയിലെ ജനങ്ങളുടെ വികാരത്തെ അദ്ദേഹം തൊട്ടുകളിക്കുന്നു. ഭരണത്തിൽ വൻ പരാജയമാണെന്നും തെളിയിച്ചുകൊണ്ടിരിക്കുന്നു' -അഭി​േഷക്​ ബാനർജി പറഞ്ഞു.

'എന്തിനെയാണ്​ ബിപ്ലബ്​ ദേബ്​ ഭയക്കുന്നത്​​? ടി.എം.സിയുടെ സാന്നിധ്യം കണ്ട്​ എന്തുകൊണ്ട്​ രോഷാകുലനാകുന്നു? ത്രിപുരയിലെ ജനങ്ങൾക്കായി അദ്ദേഹം ഒന്നും ചെയ്​തില്ല. അവർക്ക്​ വിശ്വസനീയമായ ഒരു ബദലുണ്ടെന്ന്​ നിങ്ങൾ മനസിലാക്കണം. നിങ്ങൾ ഞങ്ങളെ തടയുകയാണോ?' -അഭിഷേക്​ ചോദിച്ചു.

നേരത്തേ, ​കോവിഡ്​ 19 കാരണം ചൂണ്ടിക്കാട്ടി രബീന്ദ്ര ശതബർഷികി ഭവന്​ മുമ്പിൽ തൃണമൂൽ നടത്താൻ നിശ്ചിയിച്ചിരുന്ന റാലിക്ക്​ നൽകിയ അനുമതി പ്രാദേശിക ​െപാലീസ്​ റദ്ദാക്കിയിരുന്ന​ു. സംസ്​ഥാനത്ത്​ ഇതു നാലാം തവണയാണ്​ തൃണമൂലിന്‍റെ പരിപാടിക്ക്​ അനുമതി നി​േഷധിക്കുന്നത്​. തൃണമൂൽ നേതാക്കൾ കോടതിയെ സമീപിച്ചതിനെ തുടർന്ന്​ പരിപാടി നടത്താൻ ത്രിപുര ഹൈകോടതി അനുമതി നൽകുകയായിരുന്നു. പരിപാടിയിൽ 500 ​േപരിൽ കൂടുതൽ പ​ങ്കെടുക്കരു​തെന്ന വ്യവസ്​ഥയോടെയായിരുന്നു അനുമതി.

'പശ്ചിമബംഗാൾ മുഖ്യമന്ത്രിയും തൃണമൂൽ നേതാവുമായ മമത ബാനർജി ഡിസംബറിൽ ത്രിപുര സന്ദർശിക്കും. സ്വാമി വിവേകാനന്ദ സ്​റ്റേഡിയത്തിൽ വലിയ റാലി സംഘടിപ്പിക്കുകയും ചെയ്യും. ബിപ്ലബ്​ ദേബ്​... നിങ്ങളുടെ തന്ത്രങ്ങളൊന്നും അവിടെ പ്രവർത്തിക്കില്ല' -റാലിയെ അഭിസംബോധന ചെയ്​ത്​ അഭിഷേക്​ ബാനർജി പറഞ്ഞു​.

ത്രിപുരയിലെ ജനങ്ങൾക്ക്​ വേണ്ടിയാണ്​ ടി.എം.സിയുടെ പോരാട്ടം. ഞങ്ങളുടെ അവസാന രക്തം വീഴുന്നതുവരെ പൊരുതും. ഇത്​ ഞങ്ങളുടെ വാഗ്​ദാനമാണ്​. ഞങ്ങൾ ത്രിപുരയിലെ ജനങ്ങൾക്കൊപ്പം നിൽക്കുകയും അവരുടെ സ്വാ​തന്ത്ര്യത്തിനായി പോരാടുകയും ചെയ്യും -അഭിഷേക്​ ബാനർജി കൂട്ടിച്ചേർത്തു.

റാലിയിൽ മുൻ ബംഗാൾ മന്ത്രി രജീബ്​ ബാനർജി, ത്രിപുര എം.എൽ.എ ആശിഷ്​ ദാസ്​ എന്നിവർ ബി.ജെ.പി വിട്ട്​ തൃണമൂൽ കോൺഗ്രസിൽ ചേർന്നു.