കുൽഗാമിൽ ഭീകരരും സുരക്ഷാസേനയും തമ്മിൽ ഏറ്റുമുട്ടൽ

കുൽഗാം: ജമ്മു കശ്മീരിലെ കുൽഗാമിൽ ഭീകരരും സുരക്ഷാസേനയും തമ്മിൽ ഏറ്റുമുട്ടൽ. കുൽഗാമിലെ ലിഖ്ദി പോറ പ്രദേശത്താണ് ഏറ്റുമുട്ടൽ നടക്കുന്നത്. പ്രദേശത്ത് ജമ്മു കശ്മീർ പൊലീസ് അടക്കമുള്ള സേനാ വിഭാഗങ്ങൾ ക്യാമ്പ് ചെയ്യുന്നുണ്ട്. 

രാവിലെ ജമ്മു കശ്​മീരിലെ ഹിരാനഗർ സെക്​ടറിൽ വെടിനിർത്തൽ കരാർ ലംഘിച്ച പാകിസ്​താൻ സേന വെടിയുതിർത്തിരുന്നു. പ്രകോപനം കൂടാതെ കത്​വ ജില്ലയിൽ പാക്​ പട്ടാളക്കാർ വെടിയുതിർക്കുകയും ഷെല്ലാക്രമണം നടത്തിയതായാണ്​ വിവരം. 

പുലർച്ചെ ബി.എസ്​.എഫ്​ ജവാൻമാർ പാക്​ ചാര ഡ്രോൺ വെടിവെച്ചു വീഴ്ത്തിയിരുന്നു. ഡ്രോണിൽ നിന്ന്​ ആയുധങ്ങളും കണ്ടെടുത്തു. താൻഡർ മേഖലയിൽ വെള്ളിയാഴ്​ച പാക്​ സൈനികർ വെടിനിർത്തൽ കരാർ ലംഘിച്ചതായും ആർമി ഉദ്യോഗസ്​ഥർ അറിയിച്ചു.