പുൽവാമയിൽ ഏറ്റുമുട്ടൽ: തീവ്രവാദിയെ വധിച്ചു

ശ്രീനഗർ: ജമ്മുകശ്​മീരിലെ പുൽവാമ ജില്ലയിലുണ്ടായ ഏറ്റുമുട്ടലിൽ സൈന്യം തീവ്രവാദിയെ വധിച്ചു. ചൊവ്വാഴ്​ച രാവിലെ അവന്തിപുരയിലാണ്​ സൈന്യവും തീവ്രവാദികളും തമ്മിൽ ഏറ്റുമുട്ടലുണ്ടായത്​. വെടിവെപ്പിൽ ഒരു തീവ്രവാദി കൊല്ലപ്പെട്ടതായി സൈനിക വൃത്തങ്ങൾ അറിയിച്ച​ു.

പ്രദേശത്ത്​ ഏറ്റുമുട്ടൽ തുടരുകയാണ്​. ഏതുഗ്രൂപ്പിലുള്ള തീവ്രവാദികളാണ്​ ആക്രമണം നടത്തിയതെന്നോ കൊല്ലപ്പെട്ടയാളുടെ വിവരങ്ങളോ സൈന്യം പുറത്തുവിട്ടിട്ടില്ല.