കശ്​മീരിൽ സുരക്ഷാ സേനയുമായുള്ള ഏറ്റുമുട്ടലിൽ രണ്ട്​ തീവ്രവാദികൾ കൊല്ലപ്പെട്ടു

പുൽവാമ: കശ്​മീരിൽ സുരക്ഷാ സേനയുമായുണ്ടായ ഏറ്റുമുട്ടലിൽ രണ്ട്​ തീവ്രവാദികൾ കൊല്ലപ്പെട്ടു. പുൽവാമയിലെ ടിക്കേൻ മേഖലയിലാണ്​ ഏറ്റുമുട്ടൽ ഉണ്ടായത്​. ശനിയാഴ്​ച രാവിലെയാണ്​ സംഭവം.

തീവ്രവാദികൾ ഒളിച്ചിരിക്കുന്നുവെന്ന രഹസ്യവിവരത്തെ തുടർന്നാണ്​ സുരക്ഷാസേന പ്രദേശത്ത്​ തെരച്ചിൽ നടത്തിയത്​. തെരച്ചലിനിടെ തീവ്രവാദികൾ സുരക്ഷാ സേനക്ക്​ നേരെ വെടിയുതിർക്കുകയായിരുന്നു. സുരക്ഷാ സേന നടത്തിയ തിരിച്ചടിയിലാണ്​ തീവ്രവാദികൾ കൊല്ല​പ്പെട്ടത്​.

കൊല്ലപ്പെട്ട തീവ്രവാദികളെ കുറിച്ചുള്ള കൂടുതൽ വിവരങ്ങൾ പുറത്ത്​ വിടാൻ സുരക്ഷാ സേന തയാറായിട്ടില്ല. ഇവരിൽ നിന്ന്​ ആയുധങ്ങൾ പിടിച്ചെടുത്തിട്ടുണ്ടെന്നും അധികൃതർ അറിയിച്ചു.