ജമ്മു കശ്മീരിലെ ഉധംപൂരിൽ ഭീകരരുമായി ഏറ്റുമുട്ടൽ; പൊലീസുകാരന് വീരമൃത്യു

ജമ്മു: ജമ്മു കശ്മീരിൽ ഭീകരരുമായുള്ള ഏറ്റുമുട്ടലിൽ പൊലീസുകാരന് വീരമൃത്യു. ഉധംപൂർ ജില്ലയിലെ വനപ്രദേശത്താണ് ഏറ്റുമുട്ടൽ നടന്നത്.

വെടിവെപ്പിൽ ഒരു ഭീകരന് പരിക്കേറ്റതായി സംശയമുണ്ട്. ഭീകരർക്കായി സോഹാൻ, ഉധംപൂർ പ്രദേശങ്ങളിൽ രാത്രി വൈകിയും സുരക്ഷാസേനയുടെ തിരച്ചിൽ തുടരുകയാണ്.

ജയ്ശെ മുഹമ്മദുമായി ബന്ധമുള്ള തീവ്രവാദികൾ തമ്പടിച്ചതായുള്ള വിവരത്തെ തുടർന്നാണ് പൊലീസ് പ്രദേശത്ത് തിര​ച്ചിൽ നടത്തിയത്. ഇതിന് പിന്നാലെ ഏറ്റുമുട്ടലുണ്ടായത്.