അനന്ത്നാഗിൽ ഏറ്റുമുട്ടൽ; ​ഭീകരനെ വധിച്ചു

ശ്രീനഗർ: ജമ്മു കശ്മീരിലെ അനന്ത്നാഗിലുണ്ടായ ഏറ്റുമുട്ടലിൽ ഒരു ഭീകരനെ സുരക്ഷാ സേന വധിച്ചു. ശനിയാഴ്ച പുലർച്ചെ അ നന്ത്നാഗിലെ വനമേഖലയിലാണ് ഏറ്റുമുട്ടലുണ്ടായത്.

അനന്ത്നാഗിലെ വീരനാഗ്​ ഏരിയയിലാണ്​ ഏറ്റുമുട്ടലുണ്ടായതെന്ന് വാർത്താ ഏജൻസി റിപ്പോർട്ടു ചെയ്തു. 19 രാഷ്ട്രീയ റൈഫിൾസ്, സി.ആർ.പി.എഫ് ജവാന്മാർ നടത്തിയ തിരച്ചിലിനിടെ ഭീകരർ വെടിയുതിർക്കുകയായിരുന്നു. തുടർന്നുണ്ടായ ഏറ്റുമുട്ടലിലാണ് ഭീകരനെ വധിച്ചത്.

കഴിഞ്ഞ ദിവസം പുൽവാമ ജില്ലയിൽ നിന്നും നാല്​ ജയ്​ശെ മുഹമ്മദ്​ തീവ്രവാദികളെ ഏറ്റുമുട്ടലിൽ വധിച്ചിരുന്നു.