ബംഗാളി എഴുത്തുകാരൻ ബുദ്ധദേവ് ഗുഹ അന്തരിച്ചു

കൊൽക്കത്ത: പ്രമുഖ ബംഗാളി എഴുത്തുകാരൻ ബുദ്ധദേവ് ഗുഹ അന്തരിച്ചു. 85 വയസ്സായിരുന്നു. കോവിഡാനന്തര പ്രശ്​നങ്ങളെ തുടർന്ന്​ ആശുപത്രിയിൽ ചികിത്സയിലായിരുന്ന ഗുഹ​ ഹൃദയാഘാതത്തെ തുടർന്നാണ്​ മരിച്ചത്​.

1936 ജൂൺ 29 ന് കൊൽക്കത്തയിലാണ്​ ജനിച്ചത്​. അദ്ദേഹത്തിന്‍റെ നോവലുകളും ചെറുകഥകളും നിരൂപകരുടെ പ്രശംസ പിടിച്ചുപറ്റിയിരുന്നു.'മധുകരി', 'കോലർ കച്ചേ' പോലുള്ള നിരവധി ശ്രദ്ധേയമായ കൃതികളുടെ രചയിതാവാണ്​ ഗുഹ. കുട്ടികൾക്ക്​ വേണ്ടി രചിച്ച പുസ്​തകങ്ങളും ഏറെ ശ്രദ്ധേയമായിരുന്നു.