Begin typing your search above and press return to search.
proflie-avatar
Login
exit_to_app
exit_to_app
വരവര റാവു ഉൾപെടെ പ്രമുഖർക്ക്​​ ജയിലൊരുക്കിയ എൽഗാർ പരിഷത്ത്​ മൂന്നുവർഷങ്ങൾക്കു ശേഷം വീണ്ടും
cancel
Homechevron_rightNewschevron_rightIndiachevron_rightവരവര റാവു ഉൾപെടെ...

വരവര റാവു ഉൾപെടെ പ്രമുഖർക്ക്​​ ജയിലൊരുക്കിയ എൽഗാർ പരിഷത്ത്​ മൂന്നുവർഷങ്ങൾക്കു ശേഷം വീണ്ടും

text_fields
bookmark_border


ന്യൂഡൽഹി: ഭീമ കൊറിഗാവ്​ യുദ്ധത്തി​െൻറ അനുസ്​മരണമായ എൽഗാർ പരിഷത്ത്​ മൂന്നു വർഷ​െത്ത ഇടവേളക്കു ശേഷം നാളെ വീണ്ടും. ബുക്കർ ജേതാവ്​ അരുന്ധതി റോയ്​, വിരമിച്ച ഐ.എ.എസ്​ ഉദ്യോഗസ്​ഥൻ കണ്ണൻ ഗോപിനാഥൻ എന്നിവരാണ്​ ഇത്തവണ മുഖ്യപ്രഭാഷകർ. വരവര റാവു, ആനന്ദ്​ തെർതുംദെ, സുധീർ ധവാലെ, സുധ ഭരദ്വാജ്​, അരുൺ ഫെറേര, ഷോമ സെൻ, റോണ വിൽസൺ തുടങ്ങി നിരവധി അറസ്​റ്റിലായ 2017ലെ സംഭവത്തിനു ശേഷം ആദ്യമായാണ്​ പരിപാടി അരങ്ങേറുന്നത്​.

ബ്രിട്ടീഷ്​ സേനക്കൊപ്പം പ്രവർത്തിച്ചുവന്ന ഒരു സംഘം ദളിത്​ പടയാളികൾ പേഷ്വ ബാജിറാവു രണ്ടാമനെ ​ പരാജയപ്പെടുത്തിയ 1818ലെ യുദ്ധത്തെ ഒാർമിക്കലാണെങ്കിലും അടുത്തിടെ സംഭവത്തിന്​ പുതിയ രാഷ്​ട്രീയ മുഖം വന്നിരുന്നു. ഉയർന്ന ജാതിക്കാരായ ഭരണാധികാരികൾ തങ്ങൾക്കുമേൽ അടിച്ചേൽപിച്ച കൊടിയ പീഡനങ്ങളിൽനിന്ന്​ മോചനമെന്ന നിലക്ക്​ എല്ലാ വർഷവും ഭീമ കൊറിഗാവ്​ ഗ്രാമത്തിൽ ദളിതുകൾ സന്ദർശനം നടത്താറുണ്ട്​. സംഭവത്തിന്​ 200 വർഷം പൂർത്തിയായ 2017 ഡിസംബർ 31ന്​ നടന്ന അനുസ്​മരണ പരിപാടിക്കു പിന്നാലെയായിരുന്നു സംഘർഷം ഉണ്ടായത്​. പുണെയിലെ ഷാനിവാർവാഡ കോട്ടയിൽ 30,000 ലേറെ പേർ പ​ങ്കെടുത്ത പരിപാടിയിൽ നാടകം, പ്രഭാഷണങ്ങൾ, മുദ്രാവാക്യം വിളികൾ തുടങ്ങിയവയൊക്കെയും നടന്നിരുന്നു. പരിഷത്ത്​ സമാപിച്ചതിന്​ പിറ്റേന്ന്​ ജനുവരി രണ്ടിന്​ പ്രദേശത്ത്​ അക്രമ സംഭവങ്ങൾ അര​േങ്ങറിയതോടെ നിരവധി പേരാണ്​ അറസ്​റ്റിലായത്​. കേസ്​ എൻ.ഐ.എ ഏറ്റെടുക്കുകയും 'അർബൻ നക്​സലുകൾ' എന്ന്​ മുദ്രകുത്തി നിരവധി പേരെ അറസ്​റ്റ്​ ചെയ്യുകയും ചെയ്​തു. ഇവർ സംഘർഷങ്ങൾക്ക്​ തിരികൊളുത്തിയെന്നായിരുന്നു ആരോപണം.

വരവര റാവു, സുധീർ ധവാലെ, സുധ ഭരദ്വാജ്​, അരുൺ ഫെറേര, ഷോമ സെൻ, റോണ വിൽസൺ എന്നിവർക്ക്​ പുറമെ ആനന്ദ്​ തെർതുംദെ, ഹാനി ബാബു, സ്​റ്റാൻ സ്വാമി, ഗൗതം നവ്​ലാഖ എന്നിവരെയും എൻ.ഐ.എ അറസ്​റ്റ്​ ചെയ്​തു. ഇവർ അർബൻ നക്​സലുകളാണെന്നും പ്രധാനമന്ത്രിയെ വധിക്കാൻ ഇവർ പദ്ധതിയിട്ടതായും മഹാരാഷ്​ട്ര പൊലീസ്​ 2018ൽ അവകാശപ്പെട്ടു.

2020 ഒക്​ടോബറിൽ എൻ.ഐ.എ സമർപ്പിച്ച കുറ്റപത്രത്തിൽ സംഭവം മാവോവാദി ഗൂഢാലോചനയാണെന്ന്​ ആരോപിച്ചിരുന്നു. ഭീമ കൊറിഗാവ്​ സംഘർഷം ആഴത്തിൽ വേരുകളുള്ള ഗൂഢാലോചനയെന്ന്​ ബോംബെ ഹൈക്കോടതിയും പറഞ്ഞു. നേതാക്ക​ൾക്കെതിരെ യു.എ.പി.എ ചുമത്തിയായിരുന്നു അറസ്​റ്റ്​.

അതേ സമയം, 2021ലെ എൽഗാർ പരിഷത്ത്​ സംഘാടകർ ബോംബെ ഹൈക്കോടതി മുൻ ജഡ്​ജിമാരായ ബി.​ജി കോൽസേ പാട്ടീൽ, പി.ബി സാവന്ത്​ എന്നിവരാണ്​. 2017ലെ പരിപാടിയുടെയും സംഘാടകർ ഇവരായിരുന്നു.

വർഗീയ ശക്​തികളെ ചെറുത്തുതോൽപിക്കാനാണ്​ എൽഗാർ പരിഷത്തെന്ന്​ ജസ്​റ്റീസ്​ കോൽസെ പാട്ടീൽ പറഞ്ഞു.

പരിപാടിക്ക്​ നേരത്തെ ​പുണെ പോലീസ്​ അനുമതി നിഷേധിച്ചിരുന്നു. കോവിഡ്​, ക്രമസമാധാന പ്രശ്​നം എന്നിവ പറഞ്ഞായിരുന്നു നടപടി. ഇതോടെ അനുമതിയില്ലാതെ നടത്തുമെന്ന്​ സംഘാടകർ മുന്നറിയിപ്പ്​ നൽകി. ഒടുവിൽ

ജനുവരി 30ന്​ നടത്താൻ അനുമതി നൽകുകയായിരുന്നു.

ജനുവരി 31നാണ്​ നടക്കേണ്ടതെങ്കിലും ഇത്തവണ ജനുവരി 30 ആയി നിശ്​ചയിക്കുകയായിരുന്നു. ഹൈദരാബാദ്​ സെൻട്രൽ ​വാഴ്​സിറ്റിയിൽ ദളിത്​ പീഡനത്തെ തുടർന്ന്​ ആത്​മഹത്യ ചെയ്​ത രോഹിത്​ വെമുലയുടെ ജന്മദിനം പരിഗണിച്ചാണ്​ ഒരു ദിവസം നേരത്തെയാക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:tomorrowElgar Parishadafter 3 years
News Summary - Elgar Parishad tomorrow after 3 yrs — arrests, controversies and significance of the event
Next Story