Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഎൽഗാർ പരിഷദ്​ കേസ്​;...

എൽഗാർ പരിഷദ്​ കേസ്​; എഴുത്തുകാരൻ വരാവര റാവുവിനെ ആശുപത്രിയിലേക്ക്​ മാറ്റാൻ താക്കറെക്ക്​ കത്തെഴുതി എം.പിമാർ

text_fields
bookmark_border
എൽഗാർ പരിഷദ്​ കേസ്​; എഴുത്തുകാരൻ വരാവര റാവുവിനെ ആശുപത്രിയിലേക്ക്​ മാറ്റാൻ താക്കറെക്ക്​ കത്തെഴുതി എം.പിമാർ
cancel

മുംബൈ: എൽഗാർ പരിഷദ്​ കേസിൽ അറസ്റ്റിലായി ജയിലിൽ കഴിയുന്ന ചിന്തകനും എഴുത്തുകാരനുമായ പി. വരാവര റാവുവിനെ എത്രയും പെട്ടന്ന്​ ആശുപത്രയിലേക്ക്​ മാറ്റണമെന്ന്​ 14 എം.പിമാർ​ മഹാരാഷ്​ട്ര മുഖ്യമന്ത്രി ഉദ്ദവ്​ താക്കറെയോട്​ ആവശ്യപ്പെട്ടു. എം.പിമാർ സംയുക്​തമായി എഴുതിയ കത്തിലാണ് 81കാരനായ​ വരാവര റാവുവി​​​െൻറ ആരോഗ്യ സ്ഥിതിയും നിലവിലെ കോവിഡ്​ വൈറസ്​ സാഹചര്യവും കണക്കിലെടുത്ത് ആശുപത്രിയിലേക്ക്​ മാറ്റണമെന്ന്​​ മുഖ്യമന്ത്രിയോട്​ ആവശ്യപ്പെട്ടത്​.

ജയിലിനകത്ത്​ നിലവിൽ ലഭിക്കുന്ന ചികിത്സ അംഗീകരിക്കാനാവില്ല. പൂർണ്ണമായും രോഗം ഭേദമാകുന്നത്​ വരെ പുറത്ത്​ ഏതെങ്കിലും ആശുപത്രിയിൽ ചികിത്സിക്കാനും അവർ ആവശ്യപ്പെട്ടു. മെയ്​ 29ന്​ വരാവര റാവുവിനെ മുംബൈയിലെ ജെ.ജെ ആശുപത്രിയിൽ പ്രവേശിപ്പിച്ചിരുന്നു. തുടക്കത്തിൽ തലോജ ജയിലിൽ തന്നെ ചികിത്സ നടത്തിയിട്ടും കാര്യമായ പുരോഗതിയില്ലാത്തതിനാലായിരുന്നു മുംബൈയിലേക്ക്​ മാറ്റിയത്​. എന്നാൽ മൂന്ന്​ ദിവസം കൊണ്ട്​ അവിടെ നിന്ന്​ ഡിസ്​ചാർജ്​ ചെയ്യുകയായിരുന്നു.

മഹാരാഷ്​ട്രയിലാകമാനമുള്ള​ ജയിലുകളിൽ കോവിഡ്​ 19 വൈറസ് വ്യാപകമായി റിപ്പോർട്ട്​ ചെയ്യപ്പെട്ടിരുന്നു. ചിലയിടങ്ങളിൽ മരണവും റിപ്പോർട്ട്​ ചെയ്​തിരുന്നു. അതി​​​െൻറ പശ്ചാത്തലത്തിൽ എഴുത്തുകാരനായ വരാവര റാവുവി​​​െൻറ ആരോഗ്യസ്ഥിതിയിൽ ഏറെ ആശങ്കയുണ്ടെന്നും എം.പിമാർ പറഞ്ഞു. ‘ റാവു ജയിലിൽ വെച്ച്​ പലതവണ ചർദ്ദിച്ചിരുന്നതായി അദ്ദേഹത്തി​​​െൻറ കുടുംബം പറയുന്നുണ്ട്​. അദ്ദേഹം കുടുംബാംഗങ്ങളെ വിളിച്ചപ്പോൾ ശബ്​ദം തീർത്തും ദുർബലമായിരുന്നുവെന്നും അവർ സാക്ഷ്യപ്പെടുത്തുന്നു. മുംബൈയിലെ ആശുപത്രിയിൽ നിന്നുമുള്ള മെഡിക്കൽ റിപ്പോർട്ടിൽ വരാവര റാവു ആദ്യമേ ഹൃദ്രോഗിയായിരുന്നുവെന്ന്​​ പറയുന്നുണ്ടെന്നും എം.പിമാർ ചൂണ്ടിക്കാട്ടി. 

ലോക്​സഭാ എം.പി കനിമൊഴി കരുണാനിധി, കെ.കെ രാഗേഷ്​, എം. സെൽവരാജ്​, കെ. സുബ്ബരായൻ, ഡോ. കെ. രവികുമാർ, എസ്​. വെങ്കടേഷൻ, പി.ആർ നടരാജൻ, പ്രൊ. ഡോ. മനോജ്​ ഝാ, ഡോ. സുമതി തമിഴച്ചി, തിരുച്ചി സിവ എന്നിവരാണ്​ കത്തെഴുതിയത്​.

2017 ഡിസംബര്‍ 31ന് മഹാരാഷ്ട്രയിലെ ഭീമ-കൊറെഗാവ് (Bhima-Koregaon) എന്ന ഗ്രാമത്തില്‍ നടന്ന ജാതി സംഘര്‍ഷത്തിന്‍റെ പേരിലായിരുന്നു വരാവര റാവുവിനെ അടക്കം അഞ്ചുപേരെ അറസ്റ്റ്​ ചെയ്യുന്നത്​. സുധ ഭരദ്വാജ് (തൊഴിലാളി യൂണിയന്‍ നേതാവ്) , ഗൗതം നവ്‍ലഖ(പൗരാവകാശ പ്രവര്‍ത്തകന്‍), അരുണ്‍ ഫെരെയ്‍ര (അവകാശ പ്രവര്‍ത്തകന്‍) , വെര്‍ണന്‍ ഗോണ്‍സാല്‍വെസ് (അവകാശ പ്രവര്‍ത്തകന്‍) എന്നിവരാണ്​ അറസ്റ്റിലായ മറ്റ്​ നാലുപേർ. എല്ലാവരും പൗരാവകാശ പ്രവര്‍ത്തകരും നരേന്ദ്ര മോദി സര്‍ക്കാരിന്‍റെ വിമര്‍ശകരുമാണ്​. മാവോവാദികളുമായി ബന്ധമുള്ളവരാണ് അറസ്റ്റിലായ അഞ്ച് പേരുമെന്നാണ് പൂനെ പോലീസ് അവകാശപ്പെടുന്നത്. കേന്ദ്ര സര്‍ക്കാരിനെ അട്ടിമറിക്കാനുള്ള ശ്രമമാണ് ഇവര്‍ നടത്തിയതെന്നും പൂനെ പോലീസ് പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Elgar Parishad casearavara Rao
News Summary - Elgar Parishad case: Shift activist Varavara Rao to hospital, 14 MPs write to Maharashtra CM
Next Story