പുതുച്ചേരിയിൽ പണമൊഴുക്ക്​; രണ്ടുകോടി രൂപയും സെറ്റ്​ ടോപ്പ്​ ബോക്​സുകളും പിടിച്ചെടുത്തു

പുതുച്ചേരി: തെരഞ്ഞെടുപ്പിന്​ മുന്നോടിയായി പുതുച്ചേരിയിൽ പണം ഒഴുക്ക്​ തുടരുന്നു. തെരഞ്ഞെടുപ്പ്​ കമീഷന്‍റെ നേതൃത്വത്തി​ൽ വിവിധയിടങ്ങളിലായി നടത്തിയ റെയ്​ഡിൽ രണ്ടുകോടി രൂപയും 30,000 സെറ്റ്​ ടോപ്പ്​​ ബോക്​സുകളും പിടിച്ചെടുത്തു.

കദിർകമം, തട്ടാൻചാവടി, ഇന്ദിര നഗർ എന്നിവിടങ്ങളിലായിരുന്നു പരിശോധന. തന്തൈ​ പെരിയാർ നഗറിൽ നടത്തിയ മിന്നൽ പരിശോധനയിൽ രണ്ടു കോടി രൂപ പിടിച്ചെടുത്തു. വാഹനത്തിൽ സൂക്ഷിച്ച നിലയിലായിരുന്നു പണം.

വാഹനത്തിൽ കള്ളപ്പണം കടത്തുണ്ടെന്ന വിവരത്തിന്‍റെ അടിസ്​ഥാനത്തിലാണ്​ പരിശോധന നടത്തിയതെന്നും പണത്തിന്‍റെ ഉറവിടം വ്യക്തമാക്കാൻ കഴിഞ്ഞി​ട്ടില്ലെന്നും പുതുച്ചേരി മുഖ്യതെരഞ്ഞെടുപ്പ്​ ഓഫിസർ ഷുർബിർ സിങ്​ പറഞ്ഞു.

തെരഞ്ഞെടുപ്പിൽ വോട്ടർമാരെ സ്വാധീനിക്കാൻ വിതരണം ​െചയ്യാൻ കൊണ്ടുപോകുന്നതാണ്​ പണമെന്നും അദ്ദേഹം കൂട്ടിച്ചേർത്തു. 500, 200, 100 രൂപയു​െട നോട്ടുകളാണ്​ പിടിച്ചെടുത്തവ. ബാങ്കുകൾ സാധാരണയായി ഉപയോഗിച്ച്​ വരുന്ന സ്വകാര്യ വാനിലായിരുന്നു പണം കടത്താൻ ശ്രമിച്ചത്​. പണം ആദായ നികുതി വകുപ്പിന്​ കൈമാറുമെന്നും അദ്ദേഹം അറിയിച്ചു.

എമ്പലം, നെട്ടാപ്പാക്കം, ബഹൂർ മേഖലയിൽ നടത്തിയ പരിശോധനയിൽ 30,000സെറ്റ്​ ടോപ്പ്​ ബോക്​സുകളാണ്​ പിടി​െ​ച്ചടുത്ത്​. വീട്ടിൽ സൂക്ഷിച്ച നിലയിൽ കണ്ടെത്തിയ സെറ്റ്​ ടോപ്പ്​ ബോക്​സുകൾക്ക്​ രണ്ടു കോടി രൂപ വിലവരും.

ഇവക്കുപുറമെ 3600 ലിറ്റർ ചാരായമാണ്​ പിടിച്ചെടുത്തത്​. ഇവിടെ ഇതുവരെ പിടിച്ചെടുത്തത്​ 18,500 ലിറ്റർ ചാരായമാണെന്നും തെരഞ്ഞെടുപ്പ്​ കമീഷൻ അറിയിച്ചു.