വിമർശന പരാമർശങ്ങൾ മാധ്യമങ്ങൾ റിപ്പോർട്ട്​ ചെയ്യുന്നത്​​ വിലക്കണമെന്ന​ തെരഞ്ഞെടുപ്പ്​ കമീഷ​െൻറ ആവശ്യം തള്ളി മ​ദ്രാസ്​ ഹൈകോടതി

ചെന്നൈ: തമിഴ്​നാട്ടിൽ കോവിഡ് കേസുകളുടെ വർധനവിന് തെരഞ്ഞെടുപ്പ്​ കമീഷനെ കുറ്റപ്പെടുത്തിയുള്ള കോടതിയുടെ വാക്കാലുള്ള പരാമർശങ്ങൾ പ്രസിദ്ധീകരിക്കുന്നതിൽനിന്ന് മാധ്യമങ്ങളെ തടയണമെന്നാവശ്യപ്പെട്ട് കമീഷൻ സമർപ്പിച്ച ഹരജി മദ്രാസ് ഹൈകോടതി തള്ളി. നിയമസഭ തെരഞ്ഞെടുപ്പിനോടനുബന്ധിച്ച് കോവിഡ്​ മാനദണ്ഡങ്ങൾ ലംഘിച്ച്​ രാഷ്​ട്രീയ പാർട്ടികൾ റാലി​ നടത്തിയതിന്​ ചീഫ് ജസ്റ്റിസ് സഞ്ജിബ് ബാനർജിയും ജസ്റ്റിസ് സെന്തിൽകുമാർ രാമമൂർത്തിയും ഉൾപ്പെട്ട ബെഞ്ച് തിങ്കളാഴ്ച തെര​െഞ്ഞടുപ്പ്​ കമീഷനെ ശക്തമായി വിമർശിച്ചിരുന്നു.

വോ​െട്ടണ്ണൽ ദിവസം​ ത​െൻറ മണ്ഡലമായ കരൂരിൽ തെരഞ്ഞെടുപ്പ്​ കമീഷൻ കോവിഡ്​ മാനദണ്ഡങ്ങൾ ഉറപ്പുവരുത്തണമെന്ന എ.​െഎ.എ.ഡി.എം.കെ നേതാവും തമിഴ്​നാട്​ ഗതാഗത മന്ത്രിയുമായ എം.ആർ. വിജയഭാസ്​കറി​െൻറ ഹരജി പരിഗണിക്കവെയാണ്​ തെരഞ്ഞെടുപ്പ്​ കമീഷനെ വിമർശിച്ചത്​. 77 പേരാണ്​ കരൂർ സീറ്റിലേക്ക് മത്സരിക്കുന്നത്.

'നിങ്ങൾക്കെതിരെ കൊലപാതക കുറ്റം ചുമത്തണം, കോവിഡ് മാനദണ്ഡങ്ങൾ ലംഘിക്കുന്നതിൽനിന്ന്​ രാഷ്ട്രീയ പാർട്ടികളെ തടയാതിരുന്നത്​ തികച്ചും നിരുത്തരവാദപരമാണ്, ഇന്നത്തെ അവസ്ഥക്ക്​ നിങ്ങളാണ്​ ഉത്തരവാദി എന്നീ പരാമർശങ്ങളാണ്​ കോടതിയിൽനിന്ന്​ ഉണ്ടായത്​.

ഈ നിരീക്ഷണങ്ങൾ ജനങ്ങളിൽ കടുത്ത മുൻവിധിയുണ്ടാക്കിയതായും കമീഷനെതിരെ ക്രിമിനൽ കുറ്റത്തിന് നടപടിയെടുക്കണമെന്നാവശ്യപ്പെട്ട് പൊലീസിൽ പരാതികൾ വരുന്നുണ്ടെന്നും വെള്ളിയാഴ്ച തെരഞ്ഞെടുപ്പ്​ കമീഷൻ ​കോടതിയെ അറിയിച്ചു. അതിനാൽ മാധ്യമങ്ങൾ രേഖാമൂലമുള്ള ഉത്തരവുകൾ മാത്രം റിപ്പോർട്ട്​ ചെയ്​താൽ മതിയെന്നും കോടതി​യുടെ വാക്കാലുള്ള നിരീക്ഷണങ്ങൾ ഒഴിവാക്കാൻ നിർദേശം നൽകണമെന്നും കമീഷന്​ വേണ്ടി ഹാജരായ അഭിഭാഷകൻ രാകേഷ് ദ്വിവേദി ആവശ്യപ്പെട്ടു. ഇൗ ആവശ്യം നിരസിച്ച കോടതി, അനാവശ്യമായി ആരെങ്കിലും കമീഷനെതിരെ പരാതി നൽകുന്നുണ്ടെങ്കിൽ തങ്ങളെ സമീപിക്കാമെന്നും പറഞ്ഞു.

കഴിഞ്ഞദിവസം കോവിഡ്​ സംബന്ധിച്ച്​ കേന്ദ്രസർക്കാറിനെയും മദ്രാസ്​ ഹൈകോടതി നിശിതമായി വിമർശിച്ചിരുന്നു. കോവിഡി​െൻറ രണ്ടാം വ്യാപനത്തെക്കുറിച്ച്​ സർക്കാറിന്​ ബോധ്യമില്ലായിരുന്നുവോയെന്നും ഒന്നാം വ്യാപനത്തിനുശേഷം 14 മാസക്കാലയളവിൽ കേന്ദ്ര സർക്കാർ എന്ത്​ ചെയ്യുകയായിരുന്നുവെന്നും ഹൈകോടതി ചോദിച്ചു. സർക്കാറി​െൻറ ഇൗ അനാസ്​ഥക്ക് ​ജനങ്ങൾ വലിയ വില നൽകേണ്ടിവരുന്നതായും അഭിപ്രായപ്പെട്ടു.