കള്ളപ്പണം വെളുപ്പിക്കൽ: കടലാസ്​ പാർട്ടികൾക്കെതിരെ അ​േന്വഷണം വേണമെന്ന്​ തെരഞ്ഞെടുപ്പ്​ കമീഷൻ

ന്യൂഡൽഹി:  രേഖകളിൽ മാത്രമുള്ളതും പ്രവർത്തനമില്ലാത്തതുമായ 200 രാഷ്​ട്രീയ പാർട്ടികൾക്കെതിരെ തെരഞ്ഞെടുപ്പ്​ കമീഷൻ നടപടിക്കൊരുങ്ങുന്നു. ഇൗ പാർട്ടികളുടെ സാമ്പത്തിക ഇടപാടുകൾ പരിശോധിക്കണമെന്ന്​ ആവശ്യപ്പെട്ട്​ തെരഞ്ഞെടുപ്പ്​ കമീഷൻ ആദായ നികുതി വകുപ്പിന്​ കത്തുനൽകും. രേഖകളിൽ മാത്രമുള്ള രാഷ്​ട്രീയ പാർട്ടികൾ സംഭാവനകൾ സ്വീകരിച്ച്​ കള്ളപ്പണം വെളുപ്പിക്കാൻ സഹായിക്കുകയാണെന്ന്​ തെരഞ്ഞെടുപ്പ്​ കമീഷൻ ​ ​സംശയിക്കുന്നു.

2005 മുതല്‍ തെരഞ്ഞെടുപ്പില്‍ മത്സരിക്കാത്ത പാർട്ടികളെ രേഖകളിൽ നിന്ന്​ നീക്കാൻ തെരഞ്ഞെടുപ്പ്​ കമീഷൻ നടപടി തുടങ്ങിയിരുന്നു. ഇത്തരത്തിലുള്ള  200 പട്ടികളുടെ പട്ടിക ആദ്യഘട്ടത്തില്‍ കമീഷന്‍ കേന്ദ്ര പ്രത്യക്ഷ നികുതി ബോര്‍ഡിന് കൈമാറും. കള്ളപ്പണം വെളുപ്പിക്കുന്നതായി ബോധ്യപ്പെട്ടാൽ നടപടിയെടുക്കണമെന്ന്​ ആവ​ശ്യപ്പെട്ടിട്ടുണ്ട്​.

അതേസമയം 2015-16 സാമ്പത്തിക വര്‍ഷം വിവിധ രാഷ്ട്രീയ പാര്‍ട്ടികള്‍ക്ക് ലഭിച്ച സംഭാവനകളുടെ പട്ടിക പുറത്തു വന്നു. കേ​ന്ദ്രം ഭരിക്കുന്ന  ബി.ജെ.പിയാണ്​ ആണ് പട്ടികയില്‍ ഒന്നാമത്​.  മൊത്തം 102 കോടി രൂപയാണ്​ പാർട്ടികൾക്ക്​ ലഭിച്ചത്​. 613 പേരിൽനിന്ന്​ 76 കോടി രൂപ ബി.ജെ.പിക്ക്​  ലഭിച്ചു.

രാഷ്​ട്രീയ പാര്‍ട്ടികളുടെ രണ്ടായിരം രൂപക്കു മുകളിലുള്ള അജ്ഞാത ഉറവിടങ്ങളില്‍ നിന്നുള്ള സംഭാവനകള്‍ നിരോധിക്കണമെന്ന് കേന്ദ്രത്തോട് ശുപാര്‍ശ ചെയ്തതിനു പിന്നാലെയാണ് തെരഞ്ഞെടുപ്പ്​ കമീഷ​െൻറ തുടര്‍നടപടികള്‍. രേഖകളിൽ നിന്ന്​ നീക്കുമെങ്കിലും പാർട്ടികളുടെ രജിസ്​ട്രേഷൻ റദ്ദാക്കാൻ തെരഞ്ഞെടുപ്പ്​ കമീഷന്​ അധികാരമില്ല. രജിസ്ട്രേഷന്‍ ഉള്ളതുകൊണ്ട് രേഖകളിൽ മാത്രമുള്ള പാർട്ടികൾക്കും ആദായ നികുതി ഇളവ്​ ലഭിക്കും. ദേശീയ,സംസ്ഥാന പാര്‍ട്ടികള്‍ക്കു പുറമെ രാജ്യത്ത് രജിസ്​റ്റർ​ ചെയ്​ത 1786 പാര്‍ട്ടികളുണ്ട്​.