കേന്ദ്ര സർക്കാർ പാർലമെന്‍റിനെ യുദ്ധക്കളമാക്കിയെന്ന് എളമരം കരീം

ന്യൂഡൽഹി: കേന്ദ്ര സർക്കാർ പാർലമെന്‍റിനെ യുദ്ധക്കളമാക്കിയെന്ന് രാജ്യസഭ എം.പി. എളമരം കരീം. പാർലമെന്‍റ് നടപടികൾ സർക്കാർ തമാശയായി കാണുന്നു. സർക്കാർ പാർലമെന്‍ററി മര്യാദ മുഴുവൻ ലംഘിച്ചെന്നും എളമരം കരീം പറഞ്ഞു.

പുറമെ നിന്നും സുരക്ഷാ ഉദ്യോഗസ്ഥരുടെ വേഷം ധരിച്ചെത്തിയവർ വനിതകൾ അടക്കമുള്ള എം.പിമാരെ കൈകാര്യം ചെയ്യുകയായിരുന്നു. ഇത് മറക്കാനാണ് പ്രതിപക്ഷ എം.പിമാർക്കെതിരെ പരാതി വാങ്ങി നടപടിക്ക് ശ്രമിക്കുന്നത്. ഇതിലുള്ള പ്രതിഷേധം പ്രതിപക്ഷം രേഖപ്പെടുത്തിയെന്നും എളമരം കരീം പറഞ്ഞു.