Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ...

യു.പിയിൽ എട്ടുവയസുകാരിയെ ബലാത്സംഗം ചെയ്​തശേഷം ശ്വാസം മുട്ടിച്ച്​ കൊല​പ്പെടുത്തിയ നിലയിൽ

text_fields
bookmark_border
Eight Year Old Girl Strangled In UP Village, Police Suspect Rape
cancel

ലഖ്​നോ: ഉത്തർപ്രദേശിൽ എട്ടുവയസുകാരിയെ ബലാത്സംഗം ചെയ്​തശേഷം ശ്വാസം മുട്ടിച്ച്​ ​കൊലപ്പെടുത്തിയ നിലയിൽ. തലസ്​ഥാനമായ ലഖ്​നോവിൽനിന്ന്​ 130 കിലോമീറ്റർ അകലെയുള്ള ഖേരി ജില്ലയിലാണ്​ സംഭവം.

മണിക്കൂറുകൾക്ക്​ മുമ്പ്​ കാണാതായ പെൺകുട്ടിയുടെ മൃതദേഹം കരിമ്പുപാടത്തുനിന്ന്​ കണ്ടെത്തുകയായിരുന്നു. പെൺകുട്ടിയുടെ ശരീരത്തിൽ പരിക്കേറ്റിട്ടുണ്ടായിരുന്നു, അതിനാൽ പോക്​സോ വകുപ്പുകൾ ചുമത്തി കേസ്​ രജിസ്​റ്റർ ചെയ്​തതായി പൊലീസ്​ പറഞ്ഞു.

പെൺകുട്ടി ധരിച്ചിരുന്ന വസ്​ത്രം ഉപയോഗിച്ചാണ്​ കഴുത്തിൽ കുരുക്ക്​ മുറുക്കിയിരുന്നത്​. കേസിൽ ഇതുവരെ ആരെയും അറസ്​റ്റ്​ ചെയ്​തിട്ടില്ല.

ഞായറാഴ്​ച രാവിലെ മുത്തശ്ശിയോടൊപ്പം ആടിനെ മേയ്​ക്കാൻ വയലിൽ പോയതായിരുന്നു​ പെൺകുട്ടി. വയലിൽ ​എത്തിയതോടെ ക്ഷീണം തോന്നിയതിനാൽ പെൺകുട്ടി വീട്ടിലേക്ക്​ മടങ്ങി. മുത്തശ്ശി ആടിനെ മേയ്​ക്കുകയും ചെയ്​തു.

ആടുകളുമായി മുത്തശ്ശി വീട്ടിൽ തിരി​ച്ചെത്തിയപ്പോഴാണ്​ എട്ടുവയസുകാരി​ വീട്ടിൽ തിരിച്ചെത്തിയില്ലെന്ന വിവരം അറിയുന്നത്​. തൊട്ടടുത്ത വീട്ടിലെ വിവാഹത്തിൽ പ​െങ്കടുക്കാൻ പോയെന്നാണ്​ ആദ്യം കരുതിയത്​. പിന്നീട്​ അവൾ അവിടെയും എത്തിയിട്ടില്ലെന്ന് മനസിലാകുകയായിരുന്നു​. തുടർന്ന്​​ പെൺകുട്ടിക്കായി കുടുംബവും നാട്ടുകാരും തിരച്ചിൽ നടത്തി. പ്രദേശത്തെ വയലിൽനിന്ന് പെൺകുട്ടിയുടെ മൃതദേഹം കണ്ടെടുത്തു. അവളുടെ കാലുകൾ കൂട്ടിക്കെട്ടിയ നിലയിലായിരുന്നു. അവിടെ മുഴുവൻ രക്തം പടർന്നിരുന്നു -പെൺകുട്ടിയുടെ മുത്തശ്ശി പറഞ്ഞു.

കുടിയേറ്റ തൊഴിലാളിയായ പെൺകുട്ടിയുടെ പിതാവ്​ നിലവിൽ യു.പിയിലില്ല. മൂന്നു മക്കളിൽ മൂത്ത പെൺകുട്ടിയാണ്​ എട്ടുവയസുകാരി.

എട്ടു ഡോക്​ടർമാരുടെ നേതൃത്വത്തിൽ പെൺകുട്ടിയുടെ പോസ്​റ്റ്​മോർട്ടം നടത്തി. പെൺകുട്ടി ബലാത്സംഗത്തിന്​ ഇരയായതായി ഡോക്​ടർമാർ ഇതുവരെ സ്​ഥിരീകരിച്ചിട്ടില്ല. പെൺകുട്ടിയുടെ ശരീരത്തിലെ പാടുകളുടെ അടിസ്​ഥാനത്തിൽ തങ്ങൾ പോക്​സോ കേസ്​ രജിസ്​റ്റർ ചെയ്യുകയായിരുന്നുവെന്ന്​ പൊലീസ്​ തലവൻ വിജയ്​ ദൾ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime NewsUP PoliceMurderRape
News Summary - Eight Year Old Girl Strangled In UP Village, Police Suspect Rape
Next Story