മഹാരാഷ്ട്രയിൽ വെടിവെപ്പിൽ എട്ടു മാവോവാദികൾ കൊല്ലപ്പെട്ടു

നാഗ്പൂർ: മഹാരാഷ്ട്രയിൽ പൊലീസുമായുള്ള ഏറ്റുമുട്ടലിൽ എട്ടു മാവോവാദികൾ കൊല്ലപ്പെട്ടു. കൊട്ഗുൽ-ഗ്യാരപട്ടി മേഖലയിലെ ഉൾവനത്തിൽ ശനിയാഴ്ച പുലർച്ചെയാണ് വെടിവെപ്പ് നടന്നത്.

വെടിവെപ്പിൽ പന്ത്രണ്ടോളം മാവോവാവാദികൾക്ക് പരിക്കേറ്റതായും പൊലീസ് പറഞ്ഞു. രാവിലെ 6.30ന് ആരംഭിച്ച വെടിവെപ്പ് ഏറെ നേരെ നീണ്ടുനിന്നതായി എസ്.പി അംഗീത് ഗോയൽ അറിയിച്ചു. വെടിവെപ്പ് നടന്ന സ്ഥലത്ത് നിന്ന് ആ‍യുധങ്ങളും മറ്റും കണ്ടെടുത്തു. പ്രദേശത്ത് പൊലീസ് പരിശോധന ശക്തമാക്കി.