‘ഡിജിറ്റൽ അറസ്റ്റിൽ’ എട്ടു ദിവസം; 70കാരി ഡോക്ടർക്ക് നഷ്ടമായത്​ മൂന്നുകോടി

മും​ബൈ: ഓ​ൺ​ലൈ​ൻ ത​ട്ടി​പ്പ്​ സം​ഘം 70കാ​രി​യാ​യ ഡോ​ക്ട​റെ എ​ട്ടു ദി​വ​സം ‘ഡി​ജി​റ്റ​ൽ അ​റ​സ്റ്റി​ലാ​ക്കി’ മൂ​ന്ന് കോ​ടി രൂ​പ ക​വ​ർ​ന്നു. ഇ​ല്ലാ​ത്ത ക​ള്ള​പ്പ​ണ കേ​സി​ലാ​ണ്​ ക്രൈം​ബ്രാ​ഞ്ച്​ ച​മ​ഞ്ഞ്​ സം​ഘം ഡോ​ക്ട​റെ ‘ഡി​ജി​റ്റ​ൽ അ​റ​സ്​​റ്റി’​ലാ​ക്കി​യ​ത്. മേ​യി​ൽ ന​ട​ന്ന സം​ഭ​വ​ത്തി​ൽ പ​രാ​തി ന​ൽ​കി​യ​ത്​ ക​ഴി​ഞ്ഞ അ​ഞ്ചി​നാ​ണ്. ശ​നി​യാ​ഴ്ച​യാ​ണ്​ പൊ​ലീ​സ്​ വി​വ​രം പു​റ​ത്തു​വി​ട്ട​ത്.

ഡോ​ക്ട​റു​ടെ പേ​രി​ലു​ള്ള സിം​കാ​ർ​ഡ്​ കു​റ്റ​കൃ​ത്യ​ങ്ങ​ൾ​ക്ക്​ ഉ​പ​യോ​ഗി​ച്ച​ത്​ ക​ണ്ടെ​ത്തി​യെ​ന്നു​പ​റ​ഞ്ഞ്​ ടെ​ലി​ഫോ​ൺ ഉ​ദ്യോ​ഗ​സ്ഥ​ൻ ച​മ​ഞ്ഞ് അ​മി​ത് കു​മാ​ർ എ​ന്ന​യാ​ളു​ടെ ഫോ​ൺ​വി​ളി​യാ​യി​രു​ന്നു ത​ട്ടി​പ്പി​ന്റെ തു​ട​ക്കം. പി​ന്നാ​ലെ ക്രൈം​ബ്രാ​ഞ്ച്​ ഉ​ദ്യോ​ഗ​സ്ഥ​ൻ സ​മ​ധാ​ൻ പ​വാ​റി​ന്റെ വി​ളി​വ​ന്നു. ക​ള്ള​പ്പ​ണ കേ​സി​ൽ അ​റ​സ്റ്റി​ലാ​യി നി​ല​വി​ൽ മെ​ഡി​ക്ക​ൽ ജാ​മ്യ​ത്തി​ലി​റ​ങ്ങി​യ വി​മാ​ന ക​മ്പ​നി ഉ​ട​മ​യു​ടെ വീ​ട്ടി​ൽ ന​ട​ത്തി​യ റെ​യ്ഡി​ൽ നി​ങ്ങ​ളു​ടെ ബാ​ങ്ക്​ അ​ക്കൗ​ണ്ട്, ഡെ​ബി​റ്റ്​ കാ​ർ​ഡ്​ വി​വ​ര​ങ്ങ​ൾ ക​ണ്ടെ​ത്തി എ​ന്നു പ​റ​ഞ്ഞാ​യി​രു​ന്നു ആ ​വി​ളി.

കേ​സു​മാ​യി ബ​ന്ധ​പ്പെ​ട്ട​തെ​ന്നു​പ​റ​ഞ്ഞ്​ സി.​ബി.​ഐ, ഇ.​ഡി, റി​സ​ർ​വ്​ ബാ​ങ്ക് എ​ന്നി​വ​യു​ടെ പേ​രി​ലു​ള്ള രേ​ഖ​ക​ളും അ​യ​ച്ചു​ന​ൽ​കി. ഡോ​ക്​​ട​റു​ടെ ഭ​ർ​ത്താ​വി​നു​ള്ള വി​ഡി​യോ കോ​ളാ​യി​രു​ന്നു അ​ടു​ത്ത​ത്. പൊ​ലീ​സ്​ യൂ​നി​ഫോ​മി​ലാ​യി​രു​ന്നു ഇ​ത്. ഇ​തോ​ടെ അ​വ​ർ ഭ​യ​ന്നു. പി​ന്നീ​ട്​ അ​ങ്ങോ​ട്ട്​ വി​ഡി​യോ​യി​ൽ നി​ന്ന്​ മാ​റാ​ൻ അ​നു​വ​ദി​ക്കാ​തെ എ​ട്ട്​ ദി​വ​സം ഡി​ജി​റ്റ​ൽ അ​റ​സ്റ്റി​ലാ​ക്കി. ഇ​തി​നി​ട​യി​ൽ ‘അ​ന്വേ​ഷ​ണ​ത്തി​ന്റെ ഭാ​ഗ​മാ​യി’ അ​വ​രു​ടെ അ​ക്കൗ​ണ്ടി​ലെ മൂ​ന്ന്​ കോ​ടി രൂ​പ അ​വ​ർ ന​ൽ​കി​യ പ​ല അ​ക്കൗ​ണ്ടു​ക​ളി​ലേ​ക്ക്​ മാ​റ്റു​ക​യാ​യി​രു​ന്നു എ​ന്ന്​ പൊ​ലീ​സ്​ പ​റ​ഞ്ഞു. ഇ​തി​നി​ട​യി​ൽ സ​മാ​ന​മാ​യ മ​റ്റൊ​രു കേ​സി​ൽ മൂ​ന്നു​പേ​രെ താ​ണെ സൈ​ബ​ർ പൊ​ലീ​സ് അ​റ​സ്റ്റ്​​ചെ​യ്തു.