യുപിയിൽ വിദേശ സഞ്ചാരികൾക്ക്​​ നേരെ വീണ്ടും ആക്രമം

വരാണാസി: ഉത്തർപ്രദേശിലെ മിർസാപൂരിലെ വെള്ളച്ചാട്ടം കാണാനെത്തിയതായിരുന്നു ഫ്രാൻസിൽ നിന്നുള്ള ആറ്​ വിനോദസഞ്ചാരികളും അവരുടെ ഇന്ത്യക്കാരായ സുഹൃത്തുക്കളും. അവർക്കഭിമുഖമായി വന്ന​ ചെറ​ുപ്പക്കാർ കൂട്ടത്തിലുള്ള സ്​ത്രീകൾക്ക്​ നേരെ മോശം കമൻറുകൾ പറയുകയും ഇത്​ പരസ്​പരം അടിപിടിയിൽ കലാശിക്കുകയുമായിരുന്നു.

തിരിച്ച്​ പോയ ചെറുപ്പക്കാർ പത്ത്​ പേരടങ്ങുന്ന സ​ംഘത്തെ കൂട്ടി വന്ന്​ സഞ്ചാരികൾക്ക്​ നേരെ വീണ്ടും ആക്രമം അഴിച്ചുവിട്ടു. വിവേക്​ എന്ന ചെറുപ്പക്കാരനാണ്​ ആക്രമിക്കാൻ കൂടുതൽ പേരെ സംഘടിപ്പിച്ചത്​. സമീപവാസികൾ ഇട​െപട്ട്​ ചിലരെ പിടിച്ച്​ പൊലീസിൽ ഏൽപിച്ചിട്ടുണ്ട്​.

എഫ്​.​െഎ.ആർ പ്രകാരം വിദേശ സഞ്ചാരികൾക്ക്​ ആക്രമത്തിൽ പരിക്ക്​ പറ്റിയിട്ടില്ല. ഒരു വിദേശിയുടെ വീ​ഡിയോ സ​ന്ദേശം തങ്ങളുടെ കയ്യിലു​ണ്ടെന്നും അതിൽ, ആക്രമികളെ തടുക്കു​േമ്പാൾ ഏറ്റ നിസാര പരിക്കുകൾ അല്ലാതെ, തങ്ങൾക്കൊന്നും പറ്റിയിട്ടില്ലെന്ന്​ പറയുന്നുണ്ടെന്നും മുതിർന്ന പൊലീസ്​ ഉദ്യോഗസ്​ഥൻ ആശിഷ്​ തിവാരി പറഞ്ഞു. സംഭവവുമായി ബന്ധപ്പെട്ട്​ എട്ട്​ പേരെ അറസ്​റ്റ്​ ചെയ്​തിട്ടുണ്ട്​.

കഴിഞ്ഞ ഒക്​ടോബറിലും വിദേശികൾക്ക്​ നേരെ യുപിയിൽ ആക്രമം റിപ്പോർട്ട്​ ചെയ്​തിട്ടുണ്ട്​​. ഫത്തേപുർ സിക്രി കാണാൻ വന്ന സ്വിസ്​ ദമ്പതികളെ ആക്രമിച്ച്​ മാരകമായി പരിക്കേൽപിച്ചത്​ രാജ്യമെമ്പാടും വാർത്തായിരുന്നു.