Begin typing your search above and press return to search.
proflie-avatar
Login
exit_to_app
exit_to_app
Sukhpal Singh Khaira
cancel
Homechevron_rightNewschevron_rightIndiachevron_rightകള്ളപ്പണം വെളുപ്പിക്കൽ...

കള്ളപ്പണം വെളുപ്പിക്കൽ കേസിൽ പഞ്ചാബ്​ മുൻ എം.എൽ.എ സുഖ്​പാൽ സിങ്​ ഖൈറ അറസ്​റ്റിൽ

text_fields
bookmark_border

ന്യൂഡൽഹി: കള്ളപ്പണം വെളുപ്പിക്കൽ കേസുമായി ബന്ധപ്പെട്ട്​ പഞ്ചാബ്​ മുൻ എം.എൽ.എ സുഖ്​പാൽ സിങ്​ ഖൈറയെ എൻഫോഴ്​സ്​മെന്‍റ്​ ഡയറക്​​ടറേറ്റ്​ അറസ്റ്റ്​ ചെയ്​തു. കള്ളപ്പണ നിരോധന നിയമപ്രകാരമാണ്​ 56കാരനായ സുഖ്​പാലി​െന കസ്റ്റഡിയിലെടുത്തതെന്ന്​ ഇ.ഡി അറിയിച്ചു.

കഴിഞ്ഞ മാർച്ചിൽ സുഖ്​പാലിന്‍റെ വസതിയിലും ബന്ധപ്പെട്ട സ്​ഥാപനങ്ങളിലും ഇ.ഡി പരിശോധന നടത്തിയിരുന്നു. മയക്കുമരുന്ന്​ കേസിലെ പ്രതികളുമായും വ്യാജ പാസ്പോർട്ട്​ റാക്കറ്റുമായും സുഖ്​പാലിന്​ ബന്ധമുണ്ടെന്ന്​ ഇ.ഡി ആരോപിച്ചു.

അതേസമയം, ഇ.ഡിയുടെ ആരോപണങ്ങൾ സുഖ്​പാൽ നിഷേധിച്ചു. കേ​ന്ദ്രസർക്കാറിന്‍റെ മൂന്ന്​ വിവാദ കാർഷിക നിയമങ്ങൾക്കെതിരെ ശബ്​ദമുയർത്തിയതിന്​ കേന്ദ്ര അന്വേഷണ ഏജൻസികൾ തന്നെ ലക്ഷ്യംവെക്കുകയാ​െണന്ന്​ അദ്ദേഹം പറഞ്ഞു.

പഞ്ചാബ്​ നിയമസഭയിൽനിന്ന്​ അടുത്തിടെയായിരുന്നു സുഖ്​പാലിന്‍റെ രാജി. ആം ആദ്​മി പാർട്ടി ടിക്കറ്റിൽ 2017ൽ ഭോലാത്ത്​ മണ്ഡലത്തിൽനിന്നായിരുന്നു സുഖ്​പാലിന്‍റെ വിജയം. 2019ൽ ഡൽഹി മുഖ്യമന്ത്രി അരവിന്ദ്​ കെജ്​രിവാളിന്‍റെ പാർട്ടിയായ എ.എ.പിയിൽനിന്ന്​ പ്രാഥമിക അംഗത്വം രാജിവെച്ച്​ സുഖ്​പാൽ പഞ്ചാബ്​ ഏക്​ത പാർട്ടി രൂപീകരിച്ചിരുന്നു. പിന്നീട്​ കോൺഗ്രസിൽ ചേരുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:money laundering caseSukhpal Singh Khaira
News Summary - ED arrests former Punjab MLA Sukhpal Singh Khaira in money laundering case
Next Story