സമ്പദ്വ്യവസ്ഥ ഐ.സി.യുവിൽ; ഭരണഘടനയെ കൊലപ്പെടുത്തി -രാഹുൽ ഗാന്ധി
text_fieldsന്യൂഡൽഹി: ഇന്ത്യൻ സമ്പദ്വ്യവസ്ഥ ഐ.സി.യുവിലാണെന്ന വിമർശനവുമായി കോൺഗ്രസ് നേതാവ് രാഹുൽ ഗാന്ധി. രാംലീല മൈതാനത്ത് കോൺഗ്രസിെൻറ ഭാരത് ബച്ചാവോ റാലിക്ക് മുന്നോടിയായി ട്വിറ്ററിലൂടെയാണ് രാഹുലിെൻറ വിമർശനം.
പൗരത്വ ഭേദഗതി നിയമത്തിലും രാഹുൽ ബി.ജെ.പിയെ വിമർശിച്ചു. ഭരണഘടനയുടെ കൊലപാതകമാണ് നടന്നിരിക്കുന്നതെന്നായിരുന്നു നിയമത്തിനെതിരായ രാഹുലിെൻറ വിമർശനം. ബി.ജെ.പിയുടെ ഏകാധിപത്യത്തിനെതിരാണ് ഇന്നത്തെ കോൺഗ്രസ് പരിപാടിയെന്നും അദ്ദേഹം വ്യക്തമാക്കി.
ജനങ്ങളെ വിഭജിക്കുന്ന ബി.ജെ.പി രാഷ്ട്രീയത്തിനെതിരായാണ് കോൺഗ്രസിെൻറ റാലി നടക്കുന്നത്. പ്രധാനമന്ത്രി നരേന്ദ്രമോദിയുടെ പരാജയങ്ങളും റാലിയിൽ ഉയർത്തിക്കാട്ടും. പൗരത്വ നിയമത്തിനെതിരെ പ്രതിഷേധം ശക്തമായിരിക്കുന്ന സാഹചര്യത്തിൽ നടക്കുന്ന റാലിക്ക് പ്രാധാന്യമേറെയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.