Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസാമ്പത്തിക...

സാമ്പത്തിക ദേശവിരുദ്ധത’; ഇന്ധനവില വർധിപ്പിച്ചതിനെതിരെ കോൺഗ്രസ്​

text_fields
bookmark_border
randeep surjewala
cancel

ന്യൂഡൽഹി: കോവിഡ്​ മഹാമാരിക്കിടെ പെട്രോളിനും ഡീസലിനും നികുതി വർധിപ്പിച്ച കേന്ദ്രസർക്കാർ നടപടി സാമ്പത്തികമായ രാജ്യവിരുദ്ധതയാണെന്ന്​ കോൺഗ്രസ്​ വക്താവ്​  രൺദീപ് സിങ്​ സുർജേവാല. രാജ്യവും 130 കോടി ജനങ്ങളും കോവിഡ്​ മഹാമാരിക്കെതിരെ പോരാടുകയാണ്. പാവപ്പെട്ട കുടിയേറ്റ തൊഴിലാളികളും തൊഴിലാളികളും കടയുടമകളും കൃഷിക്കാരും നിസ്സഹായരാണ്​. ഒരോ രൂപക്കും വേണ്ടി കഷ്​ടപ്പെടുന്ന ജനതയെ സർക്കാർ പെട്രോളിനും ഡീസലിനും നികുതി വർധിപ്പിച്ച് ക്രൂശിക്കുകയാണെന്നും സുർജേവാല പറഞ്ഞു.

ഇന്ത്യയിലുടനീളം നിലനിൽക്കുന്ന സാമ്പത്തിക പ്രതിസന്ധിയുടെ ഘട്ടത്തിൽ ​ജനങ്ങളെ ഈ രീതിയിൽ ചൂഷണം ചെയ്യുന്നത് സാമ്പത്തികമായി ദേശവിരുദ്ധതയാണ്​. നിയമവിരുദ്ധവും നിർബന്ധിതവുമായി നികുതി വീണ്ടെടുക്കൽ നടത്തുന്ന രീതിയും രാജ്യത്തെ ജനങ്ങ​ളെ ​ഞെട്ടിക്കുന്നതാണ്​. മാർച്ച് 14ന് കേന്ദ്രം പെട്രോൾ- ഡീസൽ നികുതി ലിറ്ററിന് 3 രൂപ വെച്ച്​ വർധിപ്പിച്ചിരുന്നതായും സുർജേവാല ചൂണ്ടിക്കാട്ടി. 

പെട്രോളിന് നികുതി 10 രൂപയും ഡീസലിന് 13 രൂപയുമാണ്​ കൂട്ടിയത്​. 48 ദിവസത്തിനുള്ളിൽ കേന്ദ്രസർക്കാർ ഡീസലിന് ലിറ്ററിന് 16 രൂപയും പെട്രോളിന്​ 13 രൂപയും വർധിപ്പിച്ചതായും അ​ദ്ദേഹം ചൂണ്ടിക്കാട്ടി. ഇത്തരത്തിലുള്ള നികുതി വർധനവിലുടെ ഇന്ത്യയിലെ ജനങ്ങളിൽ നിന്ന് പ്രതിവർഷം ഒരു ലക്ഷത്തി നാൽപതിനായിരം കോടി രൂപയാണ്​ തിരിച്ചുപിടിക്കുന്നത്​.

2014 മെയ് 26 ന് പ്രധാനമന്ത്രി നരേന്ദ്ര മോദി അധികാര​​മേൽക്കു​മ്പോൾ,  ഇന്ത്യൻ എണ്ണക്കമ്പനികളുടെ ഓയിൽ ബാസ്കറ്റ് വില 108 യു.എസ് ഡോളർ അല്ലെങ്കിൽ 6,330 രൂപയായിരുന്നു. അതായത്​  ലിറ്ററിന് 39.81 രൂപ.  2020 മെയ് 4 ന് ഇന്ത്യൻ എണ്ണക്കമ്പനികളിൽ ഓയിൽ ബാരലിന് 23.38 യുഎസ് ഡോളർ അല്ലെങ്കിൽ 1,772 രൂപയാണ്. ഇത്​ പ്രകാരം ഒരു ലിറ്റർ ഇന്ധനത്തി​ന്റെ വില 11.14 രൂപ. എന്നാൽ എന്തുകൊണ്ടാണ്​  പെട്രോളിന് 71.26 രൂപയും ഡീസലിന് 69.39 രൂപയും നിരക്കിൽ വിൽക്കുന്നതെന്ന്​ വിശദീകരിക്കാൻ മോദി സർക്കാറിന്​ കഴിയുമോയെന്നും സുർജേവാല ചോദിച്ചു. 

അധികാരത്തിലിരുന്ന അഞ്ചര വർഷത്തിനിടെ പ്രധാനമന്ത്രി മോദി ഡീസലിന് നികുതി ലിറ്ററിന് 28.17 രൂപയും പെട്രോളിന് നികുതി 23.50 രൂപയും വർധിപ്പിച്ചു. ഇന്ധനവില കൊള്ളയിലൂടെ ആരാണ് ലാഭം നേടുന്നതെന്നും അമിത നികുതിയിലൂടെ നേടിയ പണം എന്തുചെയ്​തുവെന്ന് വിശദീകരിക്കണമെന്നും രൺദീപ്​ സുർജേവാല ആവശ്യപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:congresspetroldieseltaxesindia newsAnti-national
News Summary - Economically anti-national: Congress slams govt for raising taxes on petrol, diesel - India news
Next Story