തെരഞ്ഞെടുപ്പ്​ കമീഷന്‍റെ വാഹനം കത്തിച്ചു; ബംഗാളിൽ തെരഞ്ഞെടുപ്പിനിടെ അക്രമം

കൊൽക്കത്ത: പശ്​ചിമബംഗാളിൽ ആദ്യഘട്ട തെരഞ്ഞെടുപ്പിനിടെ അക്രമം. വെള്ളിയാഴ്ച രാത്രി തെരഞ്ഞെടുപ്പ്​ കമീഷന്‍റെ വാഹനം തീയിട്ട്​ നശിപ്പിച്ചു. പുരുളിയ ജില്ലയിലെ ബാന്ധവാനിലാണ്​ സംഭവം​. തെരഞ്ഞെടുപ്പ്​ ഉദ്യോഗസ്ഥരെ പോളിങ്​ സ്​റ്റേഷനിലെത്തിച്ച്​ മടങ്ങുന്ന ബസിന്​ നേരെയായിരുന്നു ആക്രമണം.

മാവോയിസ്റ്റ്​ മേഖലയിലാണ്​ ആക്രമണമുണ്ടായതെന്നാണ്​​ പൊലീസ്​ നൽകുന്ന സൂചന. ആക്രമണത്തിൽ ആർക്കും പരിക്കേറ്റിട്ടില്ല. വാഹനത്തിന്​ നേരെ പെട്രോൾ ബോംബ്​ എറിയുകയായിരുന്നുവെന്ന്​ ദൃക്​സാക്ഷി പറഞ്ഞു.

ഈസ്റ്റ്​ മിഡ്​നാപൂരിലും അക്രമസംഭവങ്ങൾ അരങ്ങേറി. ഭഗവാൻപൂർ നിയമസഭ മണ്ഡലത്തിൽ രണ്ട്​ സുരക്ഷാ ജീവനക്കാർക്ക്​ വെടിവെപ്പിൽ പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു.