ഏത്​ അന്വേഷണവും നേരിടാൻ തയാറെന്ന്​ മഹാരാഷ്​ട്ര മന്ത്രി

മുംബൈ: ത​​െൻറ വാഹനത്തിൽ നിന്ന്​ 91 ലക്ഷം രൂപ പിടിച്ചെടുത്ത സംഭവത്തിൽ പ്രതികരണവുമായി  മഹാരാഷ്​ട്ര സഹകരണ വകുപ്പ്​ മന്ത്രിയും സോളാപൂർ ബി.ജെ.പി എം.എൽ.എയുമായ സുഭാഷ്​ ദേശ്​മുഖ്​. ഇൻകംടാക്​സി​​​െൻറ ഏത്​ അന്വേഷണവും നേരിടാൻ തയാറെന്ന്​​​ മന്ത്രി ദേശ്​മുഖ്​ മാധ്യമങ്ങളോട്​ പ്രതികരിച്ചു.

കരിമ്പ്​ തോട്ടത്തിലെ ജീവനക്കാർക്ക്​ ശമ്പളം നൽകുന്നതിനായാണ്​ നോട്ടുകൾ കൊണ്ടുപോയതെന്നും പണത്തിന്​ വ്യക്​തമായ രേഖകളുണ്ടെന്നും അദ്ദേഹം പറഞ്ഞു.

പണം ഒരു ബാങ്കിൽ നിന്നും മറ്റൊരു ബാങ്കിലേക്ക്​ മാറ്റാൻ കൊണ്ടുപോകവെയാണ്​ അന്വേഷണ ഉദ്യോഗസ്​ഥർ മന്ത്രിയുടെ വാഹനത്തിൽ നിന്നും അസാധുവായ 1000 രൂപ നോട്ടുകൾ പിടിച്ചെടുത്തത്​.

ബാങ്കി​​െൻറയും  കരിമ്പ്​ ഫാക്​ടറിയുടെയും ഉടമസ്​ഥനായ സുഭാഷ്​ ചാരിറ്റി പ്രവർത്തനങ്ങളും നടത്തുന്നുണ്ട്​.