You are here

ബി.ജെ.പിയുമായി സഖ്യമുണ്ടാക്കിയതിന്​ പിന്നാലെ ദുഷ്യന്ത്​ ചൗതാലയുടെ പിതാവിന്​ പരോൾ

17:13 PM
26/10/2019
Ajay_Singh_Chauatala

ന്യൂഡൽഹി: ഹരിയാനയിൽ ബി.ജെ.പിയുമായി ജെ.ജെ.പി സഖ്യമുണ്ടാക്കിയതിന്​ പിന്നാലെ ദുഷ്യന്ത്​ ചൗതാലയുടെ പിതാവ്​ അജയ്​ ചൗതാലക്ക്​ 14 ദിവസത്തെ പരോൾ അനുവദിച്ചു. അധ്യാപക നിയമന അഴിമതി കേസിൽ ശിക്ഷിക്കപ്പെട്ട അജയ്​ ചൗതാല നിലവിൽ തീഹാർ ജയിലിലാണ്​. 

നാളെ അജയ്​ ചൗതാല ജയിലിൽ നിന്ന്​ പുറത്തിറങ്ങും. ഹരിയാന നിയമസഭാ തെരഞ്ഞെടുപ്പിൽ 10 സീറ്റ്​ നേടി ദുഷ്യന്ത്​ ചൗതാലയുടെ ജെ.ജെ.പി നിർണായക ശക്​തിയായിരുന്നു. ബി.ജെ.പിക്ക്​ ഹരിയാന ഭരിക്കാൻ ചൗതാലയുടെ പിന്തുണ ആവശ്യമായി വന്നിരുന്നു. തുടർന്ന്​ സംയുക്​തമായി സർക്കാർ രൂപീകരിക്കാൻ ഇരു കക്ഷികളും ധാരണയിലെത്തുകയും ചെയ്​തിരുന്നു. 

ദുഷ്യന്ത്​ ചൗതാലയുടെ ജെ.ജെ.പിക്ക്​ ഉപമുഖ്യമന്ത്രി സ്ഥാനം നൽകാമെന്നാണ്​ ബി.ജെ.പി അറിയിച്ചിരിക്കുന്നത്​. ദുഷ്യന്ത്​ ചൗതാലയോ മാതാവോ ഉപമുഖ്യമന്ത്രിയാകുമെന്ന റിപ്പോർട്ടുകളാണ്​ ഇപ്പോൾ പുറത്ത്​ വരുന്നത്​.

Loading...
COMMENTS