ഭർതൃവീട്ടിലെ ജീവിത സൗകര്യങ്ങൾ ല​ഭി​ക്കാ​ൻ വിവാഹമോചിതക്കും അ​ർ​ഹ​ത​യു​ണ്ട് -സുപ്രീംകോടതി

ന്യൂ​ഡ​ൽ​ഹി: ഭ​ർ​തൃ​വീ​ട്ടി​ലെ അ​തേ ജീ​വി​ത സൗ​ക​ര്യ​ങ്ങ​ൾ വി​വാ​ഹ മോ​ച​ന​ശേ​ഷ​വും ല​ഭി​ക്കാ​ൻ ഭാ​ര്യ​ക്ക് അ​ർ​ഹ​ത​യു​ണ്ടെ​ന്ന് സു​പ്രീം​കോ​ട​തി. മ​ല​യാ​ളി ഡോ​ക്ട​റു​ടെ വി​വാ​ഹ​മോ​ച​ന ഹ​ര​ജി പ​രി​ഗ​ണി​ക്കു​ന്ന​തി​നി​ടെ​യാ​ണ് സു​പ്രീം​കോ​ട​തി​യു​ടെ നി​രീ​ക്ഷ​ണം. ഭാ​ര്യ​ക്ക് പ്ര​തി​മാ​സം 1.75 ല​ക്ഷം രൂ​പ ഇ​ട​ക്കാ​ല ജീ​വ​നാം​ശം ന​ൽ​കാ​ൻ കോ​ട​തി വി​ധി​ച്ചു.

ജ​സ്റ്റി​സു​മാ​രാ​യ വി​ക്രം നാ​ഥ്, പി.​ബി. വ​രാ​ലെ എ​ന്നി​വ​ര​ട​ങ്ങി​യ ബെ​ഞ്ചി​ന്റേ​താ​ണ് വി​ധി. പ്ര​തി​മാ​സം 1.75 ല​ക്ഷം രൂ​പ​യു​ടെ ഇ​ട​ക്കാ​ല ജീ​വ​നാം​ശം ഭാ​ര്യ​ക്ക് ന​ൽ​കാ​ൻ നേ​ര​ത്തെ കു​ടും​ബ കോ​ട​തി ഉ​ത്ത​ര​വി​ട്ടി​രു​ന്നു. അ​തി​നെ​തി​രെ മ​ദ്രാ​സ് ഹൈ​കോ​ട​തി​യെ സ​മീ​പി​ച്ച പ്ര​തി അ​ത് 80,000 രൂ​പ​യാ​യി കു​റ​ച്ചു​കൊ​ണ്ടു​ള്ള ഉ​ത്ത​ര​വ് നേ​ടി. ഇ​തി​നെ​തി​രെ ഭാ​ര്യ സു​പ്രീം​കോ​ട​തി​യെ സ​മീ​പി​ക്കു​ക​യാ​യി​രു​ന്നു. 2022 ഡി​സം​ബ​ർ ഒ​ന്നി​ലെ മ​ദ്രാ​സ് ഹൈ​കോ​ട​തി ഉ​ത്ത​ര​വ് റ​ദ്ദാ​ക്കി​യ സു​പ്രീം​കോ​ട​തി കു​ടും​ബ കോ​ട​തി​യു​ടെ ഉ​ത്ത​ര​വ് പു​നഃ​സ്ഥാ​പി​ച്ചു.

പ്ര​തി​യു​ടെ വ​രു​മാ​ന​വു​മാ​യി ബ​ന്ധ​പ്പെ​ട്ട് കു​ടും​ബ കോ​ട​തി പ​രി​ശോ​ധി​ച്ച ചി​ല വ​ശ​ങ്ങ​ൾ ഹൈ​കോ​ട​തി അ​വ​ഗ​ണി​ച്ചു. കൂ​ടാ​തെ, വി​വാ​ഹ​ശേ​ഷം ജോ​ലി ത്യ​ജി​ച്ച​തി​നാ​ൽ അ​വ​ർ​ക്ക് ജോ​ലി​യി​ല്ലെ​ന്ന കാ​ര്യ​വും സു​പ്രീം​കോ​ട​തി പ​രി​ഗ​ണി​ച്ചാ​ണ് ഉ​ത്ത​ര​വി​ട്ട​ത്. ഭ​ർ​ത്താ​വി​ന്റെ പ​ദ​വി, ജീ​വി​ത നി​ല​വാ​രം, വ​രു​മാ​ന സ്രോ​ത​സ്സ്, സ്വ​ത്തു​ക്ക​ൾ, അ​വ​കാ​ശ​ങ്ങ​ൾ, ബാ​ധ്യ​ത​ക​ൾ എ​ന്നി​വ താ​ര​ത​മ്യം ചെ​യ്തു​വെ​ന്നും ഭ​ർ​ത്താ​വ് അ​നു​ഭ​വി​ക്കു​ന്ന പ്ര​ത്യേ​കാ​വ​കാ​ശ​ങ്ങ​ൾ ഭാ​ര്യ​ക്ക് നി​ഷേ​ധി​ക്കാ​നാ​വി​ല്ലെ​ന്നും കോ​ട​തി വ്യ​ക്ത​മാ​ക്കി.