You are here

തീവ്രവാദികളെ കൊണ്ടുപോകാൻ ദേവീന്ദർ സിങ്ങിന്​ നൽകിയത്​ 12 ലക്ഷം

12:49 PM
14/01/2020

ന്യൂഡൽഹി: ക​ശ്​​മീ​രി​ൽ ഹിസ്​ബുൽ മുജാഹിദീൻ തീവ്രവാദികളെ സഹായിക്കുന്നതിന്​ ഡി​വൈ.​എ​സ്.​പി ദേ​വീ​ന്ദ​ർ സി​ങ്ങി​​ന്​ ലഭിച്ചത്​​ 12 ലക്ഷം രൂപയെന്ന്​ പൊലീസ്​. ഹിസ്​ബുൽ  തീവ്രവാദികളായ നവീദ്​ ബാബു, അൽത്താഫ്​ എന്നിവരെ ലക്ഷ്യസ്ഥാനത്തെത്തിക്കുന്നതിന്​ 12 ലക്ഷം രൂപ നൽകി. ഇവരെ ഷോപ്പിയാനിൽ നിന്നും പാകിസ്​താനിലേക്ക്​ കടത്തുകയായിരുന്നു ദേവീന്ദറി​​െൻറ ദൗത്യം. ഇതിന്​ മുമ്പും ദേവീന്ദർ തീവ്രവാദികളെ സ്വന്തം വാഹനത്തിൽ കൊണ്ടുപോയതായി സൂചന ലഭിച്ചിട്ടു​െണ്ടന്നും പൊലീസ്​ പറഞ്ഞു.  

ദേവീന്ദറിനെ ഡി.ഐ.ജി അതുൽ ഗോയലി​​െൻറ നേതൃത്വത്തിലുള്ള സംഘമാണ്​ പിടികൂടിയത്​. നിരവധി ആഴ്​ചകളായി ദേവിന്ദറിൻെറ യാത്രകൾ ഉൾപ്പെടെ പൊലീസ്​ നിരീക്ഷിച്ചു വരികയായിരുന്നു. 

കഴിഞ്ഞ ദിവസം ദേ​വീ​ന്ദ​ർ സി​ങ്ങി​​​െൻറ ശ്രീ​ന​ഗ​ർ ഇ​ന്ദി​ര ന​ഗ​റി​ലെ വീ​ട്ടി​ൽ നടത്തിയ പൊ​ലീ​സ്​ പ​രി​ശോ​ധ​നയിൽ അഞ്ച്​ ഗ്രനേഡുകളും മൂന്ന്​ എ.​കെ.47 തോ​ക്കു​ക​ൾ പിടിച്ചെടുത്തിരുന്നു. ചോ​ദ്യം​ ചെ​യ്യ​ലി​ൽ ഇ​ദ്ദേ​ഹം ചി​ല വി​വ​ര​ങ്ങ​ൾ വെ​ളി​പ്പെ​ടു​ത്തി​യ​തി​​​െൻറ അ​ടി​സ്​​ഥാ​ന​ത്തി​ലാ​യി​രു​ന്നു പ​രി​ശോ​ധ​ന. 

ക​ന​ത്ത സു​ര​ക്ഷാ​വ​ല​യ​മു​ള്ള ശ്രീ​ന​ഗ​ർ വി​മാ​ന​ത്താ​വ​ള​ത്തി​ൽ ജോ​ലി​ചെ​യ്യു​ന്ന ദേ​വീ​ന്ദ​ർ സി​ങ്​ ശ​നി​യാ​ഴ്​​ച​യാ​ണ്​ യാത്രാമധ്യേ ഹി​സ്​​ബു​ൽ മു​ജാ​ഹി​ദീ​ൻ ഭീ​ക​ര​രാ​യ ന​വീ​ദ്​ ബാ​ബു, അ​ൽ​ത്താ​ഫ്​ എ​ന്നി​വ​രോ​ടാ​പ്പം അ​റ​സ്​​റ്റി​ലാ​യ​ത്. ഇ​വ​ർ സ​ഞ്ച​രി​ച്ച കാ​റി​ൽ​നി​ന്ന്​ ര​ണ്ട്​ ​എ.​കെ.47 തോ​ക്കു​ക​ൾ പി​ടി​ച്ചെ​ടു​ത്തി​രു​ന്നു. കശ്​മീരിൽ 12 ഓളം പൊലീസുകാരെ കൊലപ്പെട​ുത്തിയ കേസിൽ പ്രതിയാണ്​ പിടിയിലായ നവീദ്​ ബാബ​ു. ദേ​വീ​ന്ദ​ർ സിങ്ങും നവീദും തമ്മിൽ നിരവധി തവണ ബന്ധപ്പെട്ടിരുന്നതായും പൊലീസ്​ കണ്ടെത്തി. 
 

Loading...
COMMENTS