മദ്യലഹരിയിൽ വിമാന യാത്രക്കാരൻ വനിതാ യാത്രികയുടെ സീറ്റിൽ മൂത്രമൊഴിച്ചതായി പരാതി

ന്യൂഡൽഹി: മദ്യലഹരിയിൽ എയർ ഇന്ത്യ വിമാന യത്രക്കാരൻ തനിച്ച്​ യാത്ര ചെയ്യുന്ന വനിതാ യാത്രികയുടെ ഇരിപ്പിടത്തിൽ മൂത്രമൊഴിച്ചതായി പരാതി. ന്യൂയോർക്കിൽ നിന്ന്​ ന്യൂഡൽഹിയതിലേക്കുള്ള യാത്രാ മ​​​േധ്യ എയർ ഇന്ത്യയുടെ എ.​െഎ 102 വിമാനത്തിൽ വെള്ളിയാഴ്​ചയായിരുന്നു സംഭവം.

വനിതാ യാത്രക്കാരിയുടെ മകൾ ഇന്ദ്രാണി ഘോഷ്​ പ്രശ്​നം കേന്ദ്ര വിദേശകാര്യ മന്ത്രി സുഷമ സ്വരാജി​േൻറയും വ്യോമയാന മന്ത്രി സുരേഷ്​ പ്രഭുവിേൻറയും ശ്രദ്ധയിൽപെടുത്തി​ ട്വീറ്റ്​ ചെയ്​തതോടെയാണ്​ സംഭവം പുറംലോകമറിയുന്നത്​. വനിതാ യാത്രികക്ക്​ സീറ്റ്​ മാറ്റിക്കൊടുക്കുകയല്ലാതെ എയർ ഇന്ത്യ അധികൃതർ യാതൊരു നടപടിയും സ്വീകരിച്ചില്ലെന്നും​ ആരോപണമുണ്ട്​.

ഡൽഹിയിൽ വിമാനമിറങ്ങി കണക്ഷൻ ഫ്ലൈറ്റിനായി മാതാവ്​ വീൽ ചെയറിൽ ഇരിക്കുമ്പോൾ സീറ്റിൽ മൂത്രമൊഴിച്ച യാത്രക്കാരൻ നടന്നുപോകുന്നതായി കണ്ടുവെന്ന്​ മറ്റൊരു ട്വീറ്റിന്​ മറുപടിയായി ഇന്ദ്രാണി പറയുന്നു.

സംഭവത്തെ കുറിച്ച്​ അന്വേഷിച്ച്​ വ്യോമയാന മന്ത്രാലയത്തിനും ഡയറക്​ടറേറ്റ്​ ജനറൽ ഒാഫ്​ സിവിൽ ഏവിയേഷനും ഉടൻ റിപ്പോർട്ട്​ സമർപ്പിക്കണമെന്ന്​ ജൂനിയർ വ്യോമയാന മന്ത്രി ജയന്ത്​ സിൻഹ എയർ ഇന്ത്യക്ക്​ നിർദ്ദേശം നൽകിയിട്ടുണ്ട്​.

@sureshpprabhu @SushmaSwaraj @airindiain 30thAug AI102 JFK to Delhi, seat36D. My mother traveling alone had to face extreme shock and trauma when a drunk passenger post dinner service fumbled across to her seat removed his pants and urinated on her seat! Please lookinto urgently

— Indrani Ghosh (@indranidreams) August 31, 2018