മദ്യലഹരിയിൽ പാമ്പിനെ കടിച്ചയാൾ ഗുരുതരാവസ്ഥയിൽ

ലഖ്നോ: തന്നെ കടിച്ച പാമ്പിനെ മദ്യലഹരിയിൽ കടിച്ചു മുറിച്ചയാൾ ഗുരുതരാവസ്ഥയിൽ. യു.പിയിലെ എറ്റാ ജില്ലയിലെ ഗ്രാമത ്തിൽ ഞായറാഴ്ച രാത്രിയാണ് സംഭവം.

രാജ്കുമാർ എന്നയാളാണ് പാമ്പിനെ കഷണങ്ങളായി കടിച്ചുമുറിച്ചത്. ഞായറാഴ്ച രാത്രി വീട്ടിനകത്തുവെച്ച് രാജ്കുമാറിനെ പാമ്പ് കടിക്കുകയായിരുന്നു. ആ സമയത്ത് മദ്യലഹരിയിലായിരുന്നു ഇയാൾ. ക്ഷുഭിതനായ രാജ്കുമാർ പാമ്പിനെ പിടികൂടി കടിച്ച് മുറിക്കുകയായിരുന്നു.

വിഷബാധയേറ്റ രാജ്കുമാർ ഗുരുതരാവസ്ഥയിൽ ആശുപത്രിയിൽ ചികിത്സയിലാണ്. ആദ്യം കൊണ്ടുപോയ ആശുപത്രിയിൽ നിന്ന് മറ്റൊരു ആശുപത്രിയിലേക്ക് രാജ്കുമാറിനെ മാറ്റിയെന്നും ചികിത്സിക്കാൻ പണമില്ലെന്നും രാജ്കുമാറിന്‍റെ പിതാവ് പറഞ്ഞതായി എ.എൻ.ഐ റിപ്പോർട്ട് ചെയ്യുന്നു.