Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമദ്യ ലഹരിയിൽ മകനെതിരെ...

മദ്യ ലഹരിയിൽ മകനെതിരെ എറിയാൻ ശ്രമിച്ച ബോംബ്​ ​പൊട്ടി പിതാവ്​ മരിച്ചു

text_fields
bookmark_border
മദ്യ ലഹരിയിൽ മകനെതിരെ എറിയാൻ ശ്രമിച്ച ബോംബ്​ ​പൊട്ടി പിതാവ്​  മരിച്ചു
cancel

ന്യൂഡൽഹി: മദ്യലഹരിയിൽ മക​നുനേരെ എറിഞ്ഞ ബോംബ്​ സമീപത്തുവെച്ച്​ പൊട്ടിത്തെറിച്ച്​ പിതാവ്​ മരിച്ചു. ഷെയ്​ഖ്​ മത്​ലബ്​(65)ആണ്​ മരിച്ചത്​​. ഗുരുതരമായി പരിക്കേറ്റ മകൻ ഷെയ്​ഖ്​ നാസർ ആർ.ജി കർ ആശുപത്രിയിൽ ചികിത്സയിലാണ്​. നോർത്ത്​ കൽക്കത്തയിലെ കാശിപൂർ റോഡിൽ വെള്ളിയാഴ്​ച വൈകുന്നേരം 3.30നായിരുന്നു സംഭവം​.

സംഭവത്തെ കുറിച്ച്​ നാട്ടുകാർ പറയുന്നതിങ്ങനെ: മദ്യപിച്ച്​ വീട്ടിലെത്തുന്ന ഷെയ്​ഖ്​ മത്​ലബ്​ കുടുംബവുമായി കലഹം പതിവാണ്​. വെള്ളിയാഴ്​ചയും ഇയാൾ മദ്യപിച്ചെത്തി. ഫാക്​ടറി തൊ​ഴിലാളിയായ മകൻ ജോലി കഴിഞ്ഞെത്തിയതോടെ ഇരുവരും തമ്മിൽ തർക്കമായി. ഇതിനിടെ ഷെയ്​ഖ്​ മത്​ലബ്​ കൈയ്യിൽ കരുതിയ ക്രൂഡ്​ ബോംബ്​ മകനെതിരെ എറിയാനൊരുങ്ങി. ഷെയ്​ഖ്​ നാസിർ പിതാവിനെ തടയാൻ ശ്രമിച്ചെങ്കിലും ബോംബ്​ താഴെ വീണ്​ സമീപത്തുനിന്ന്​ പൊട്ടിത്തെറിക്കുകയായിരുന്നു.

വലിയ സ്​ഫോടന ശബ്​ദം കേട്ട്​ ഓടിയെത്തിയ പ്രദേശവാസികൾ ഗുരുതരമായി പരിക്കേറ്റ പിതാവിനേയും മകനേയും ആശുപത്രിയിലെത്തിച്ചെങ്കിലും ഷെയ്​ഖ്​ മത്​ലബ്​ മരിച്ചിരുന്നു. സ്​ഫോടനത്തിൽ ഷെയ്​ഖ്​ നാസിറി​െൻറ കൈവിരലുകൾ നഷ്​ടപ്പെട്ടതായി പൊലീസ്​ ഉദ്യോഗസ്ഥർ വ്യക്തമാക്കി. കൂടുതൽ മെച്ചപ്പെട്ട ചികിത്സക്കായി ഇയാളെ എസ്​.എസ്​.കെ.എം ആശുപത്രിയിലേക്ക്​ മാറ്റിയിരിക്കുകയാണ്​.

ഷെയ്​ഖ്​ മത്​ലബിന്​ ബോംബ്​ ലഭിച്ചത്​ എവിടെനിന്നാണെന്നതുൾപ്പെടെയുള്ള കാര്യങ്ങളിൽ പൊലീസ്​ അന്വേഷണം ഊർജ്ജിതമാക്കിയിട്ടുണ്ട്​.

Show Full Article
TAGS:bomb attack Kolkata bomb blast 
News Summary - Drunk Kolkata man tries to bomb son, dies in explosion himself
Next Story