Top
Begin typing your search above and press return to search.
keyboard_arrow_down
Login
exit_to_app
exit_to_app
റിയ ചക്രബർത്തി
cancel
Homechevron_rightNewschevron_rightIndiachevron_right25 ബോളിവുഡ്​...

25 ബോളിവുഡ്​ താരങ്ങൾക്ക്​ മയക്കുമരുന്ന്​ മാഫിയയുമായി ബന്ധം; പട്ടിക തയാറാക്കി എൻ.സി.ബി

text_fields
bookmark_border

മുംബൈ: മയക്കുമരുന്ന്​ മാഫിയയുമായി ബന്ധപ്പെട്ട അന്വേഷണം ബോളിവുഡിലെ 25ഓളം താരങ്ങളിലേക്ക്​. സുശാന്ത്​ സിങ്​ രാജ്​പുതി​െൻറ മരണവുമായി ബന്ധപ്പെട്ട മയക്കുമരുന്ന്​ കേസിൽ അറസ്​റ്റിലായ കാമുകിയും നടിയുമായ റിയ ചക്രബർത്തി നാർക്കോട്ടിക്​ കൺട്രോൾ ബ്യൂറോ​​യോട്​ താരങ്ങളുടെ പേരുകൾ വെളിപ്പെടുത്തി. റിയയുടെ സഹോദരൻ സൗവിക്ക്​ ചക്രബർത്തിയും മയക്കുമരുന്ന്​ മാഫിയയുമായി ബന്ധമുള്ള ചില താരങ്ങളുടെ പേരുകൾ വെളിപ്പെടുത്തിയിരുന്നു.

ബോളിവുഡ്​ താരങ്ങളുടെ മയക്കുമരുന്ന്​ മാഫിയയുമായുള്ള ബന്ധം തുറന്നുകാണിക്കുന്ന ഒ​​േട്ടറെ ഡിജിറ്റൽ തെളിവുകൾ എൻ.സി.ബി കണ്ടെടുത്തിരുന്നു. 25 പേർക്കും എൻ.സി.ബി ഉടൻ നോട്ടീസ്​ അയക്കുമെന്നാണ്​ വിവരം. ​താരങ്ങളുടെ പട്ടിക മുതിർന്ന ഉദ്യോഗസ്​ഥർക്ക്​ കൈമാറുകയും ചെയ്യുമെന്ന്​ ഇന്ത്യ ​ടുഡെ റി​പ്പോർട്ട്​ ചെയ്​തു.

റിയയെ ചൊവ്വാഴ്​ച മൂന്നാംതവണയും ചോദ്യംചെയ്​തതിനുശേഷമാണ്​ അറസ്​റ്റ്​ ചെയ്​തത്​. താൻ കഞ്ചാവ്​ ഉപയോഗിക്കാറില്ലെന്നും രാസവസ്​തുക്കളാണ്​ ഉപയോഗിക്കുന്നതെന്നും മൊഴി നൽകിയതായാണ്​ വിവരം. മയക്കുമരുന്ന്​ ഉപയോഗിച്ചിരുന്ന ബോളിവുഡ്​ പാർട്ടികളെക്കുറിച്ചും റിയ എൻ.സി.ബിയോട്​ പറഞ്ഞു. സുശാന്തി​െൻറ ഒരു സിനിമയുടെ സെറ്റിൽ വെച്ചാണ്​ മയക്കുമരുന്ന്​ ഉപയോഗിച്ച്​ തുടങ്ങിയതെന്നും റിയ പറഞ്ഞു. സുശാന്തി​െൻറ സിനിമയിൽ ഒപ്പം അഭിനയിച്ചവർക്കും നോട്ടീസ്​ അയച്ചതായാണ്​ വിവരം.

മയക്കുമരുന്ന്​ കേസുമായി ബന്ധപ്പെട്ട്​ റിയയുടെ സഹോദരൻ സൗവിക്ക്​, സുശാന്തി​െൻറ മാനേജർ സാമുവൽ മിറാൻഡ, പാചകക്കാരൻ ദീപേഷ്​ സാവന്ത്​ എന്നിവരെ എൻ.സി.ബി അറസ്​റ്റ്​ ചെയ്​തിരുന്നു. ഇവരെ സെപ്​റ്റംബർ ഒമ്പതിന്​ വീണ്ടും കോടതിയിൽ ഹാജരാക്കും.

Show Full Article
TAGS:Rhea Chakraborty Bollywood NCB Sushant case Anti-Drugs Probe 
Web Title - Drugs Case Rhea Chakraborty gives names of Bollywood celebs to NCB
Next Story