Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമയക്കുമരുന്ന്​...

മയക്കുമരുന്ന്​ കടത്തുകാരുടെ വെടിയേറ്റ്​ പഞ്ചാബിൽ രണ്ട്​ എ.എസ്.ഐമാർ കൊല്ലപ്പെട്ടു

text_fields
bookmark_border
മയക്കുമരുന്ന്​ കടത്തുകാരുടെ വെടിയേറ്റ്​ പഞ്ചാബിൽ രണ്ട്​ എ.എസ്.ഐമാർ കൊല്ലപ്പെട്ടു
cancel

ഛണ്ഡിഗഢ്​: മയക്കുമരുന്ന്​ കടത്തുകാരുടെ വെടിയേറ്റ്​ പഞ്ചാബിൽ രണ്ട്​ എ.എസ്​.ഐമാർ കൊല്ലപ്പെട്ടു. ഒരാൾക്ക്​ പരി​ക്കേറ്റു. ജാഗോൺ മാർക്കറ്റിന്​ സമീപമാണ്​ വെടിവെപ്പുണ്ടായത്​.

സംഭവം മൊബൈൽ ഫോണിൽ പകർത്താൻ ശ്രമിച്ച യുവാക്കൾക്ക്​ നേരെയും മയക്കുമരുന്നുമായെത്തിയ സംഘം വെടിയുതിർത്തു. എന്നാൽ യുവാക്കളിൽ ആർക്കും പരിക്കേറ്റിട്ടില്ല. എ.എസ്​.ഐ ഭഗവാൻ സിങ്​ സംഭവസ്ഥലത്ത്​ തന്നെ മരിച്ചുവെന്ന്​ ജാഗോൺ ഡി.സി.പി ജതീന്ദർജിത്​ സിങ്​ പറഞ്ഞു. മറ്റൊരു പൊലീസുകാരനായ ദൽവീന്ദർ സിങ്​ ആശുപത്രിയിലേക്ക്​ കൊണ്ടു പോകുന്നതിനിടെയാണ്​ മരിച്ചത്​. ഇരുവരും സംസ്ഥാന കുറ്റാന്വേഷണ ഏജൻസിയിലെ ജീവനക്കാരായിരുന്നു.

കുറ്റവാളികളുടെ ചിത്രങ്ങൾ സമീപത്തെ സി.സി.ടി.വി കാമറയിൽ പതിഞ്ഞതായി ലുധിയാന റൂറൽ സീനിയർ സുപ്രണ്ട്​ ചരൺജിത്​ സിങ്​ സോഹ പറഞ്ഞു. പ്രതികൾക്കായി അന്വേഷണം ഊർജിതമാക്കിയതായി അദ്ദേഹം അറിയിച്ചു. പൊലീസുകാർക്ക്​ നേരെ നടന്ന അക്രമത്തെ അപലപിച്ച്​ പഞ്ചാബ്​ മുഖ്യമന്ത്രി അമരീന്ദർ സിങ്​ രംഗത്തെത്തി. കഴിഞ്ഞ ദിവസം നടന്ന ഏറ്റുമുട്ടലിൽ ധീരരായ രണ്ട്​ പൊലീസ്​ ഓഫീസർമാർ മരിക്കാനിടയായ സംഭവം ദൗർഭാഗ്യകരമാണ്​. പ്രതികളെ എത്രയും പെ​ട്ടെന്ന്​ പിടികൂടും. പൊലീസ്​ ഓഫീസർമാരുടെ കുടുംബാംഗങ്ങളുടെ ദുഃഖത്തിൽ പങ്കുചേരുന്നു​. അവർക്ക്​ സാധ്യമായ എല്ലാ സഹായവും ചെയ്യുമെന്നും അമരീന്ദർ സിങ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Police officerdrug mafia
News Summary - Drug smugglers shoot two ASIs dead in Punjab’s Jagraon
Next Story