Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപാകിസ്​താനിലെ ഇന്ത്യൻ...

പാകിസ്​താനിലെ ഇന്ത്യൻ ഹൈകമീഷന്​ മുകളിൽ ഡ്രോൺ; പ്രതിഷേധം അറിയിച്ച്​ ഇന്ത്യ

text_fields
bookmark_border
India high commission, Islamabad
cancel

ന്യൂഡൽഹി: ഇസ്​ലാമാബാദിലെ ഇന്ത്യൻ ഹൈകമീഷൻ വളപ്പിനു മുകളിൽ ഡ്രോൺ. സുരക്ഷാ ലംഘനത്തിന്​ പാകിസ്​താനെ കടുത്ത പ്രതിഷേധം അറിയിച്ച്​ ഇന്ത്യ. ജമ്മു-കശ്​മീരിലെ വ്യോമസേനാ കേന്ദ്രത്തിനു നേരെ കഴിഞ്ഞയാഴ്​ച നടന്ന ഡ്രോൺ ആക്രമണം ഇരു രാജ്യങ്ങളും തമ്മിലുള്ള സംഘർഷം വർധിപ്പിച്ചിരിക്കേയാണ്​ പുതിയ സംഭവവികാസം. ഡ്രോൺ നിരീക്ഷണവും ആക്രമണവുമെല്ലാം ഭരണകൂടത്തി​െൻറയോ ലശ്​കറെ ത്വയ്യിബ, ജെയ്​ശെ മുഹമ്മദ്​ തുടങ്ങിയ ഭീകര സംഘങ്ങളുടെയോ പിന്തുണയോടെയാണെന്ന്​ ഇന്ത്യ കരുതുന്നു.

ജൂൺ 26നാണ്​ ഹൈകമീഷൻ വളപ്പിനു മുകളിൽ ഡ്രോൺ പ്രത്യക്ഷ​പ്പെട്ടത്​. ഇ​േ​തക്കുറിച്ച്​ പാകിസ്​താൻ അന്വേഷണം നടത്തണമെന്നും, മേലിൽ ഇത്തരം സംഭവം ആവർത്തിക്കരുതെന്നും വിദേശകാര്യ മന്ത്രാലയം ആവശ്യപ്പെട്ടു. ഹൈകമീഷൻ ഓഫിസ്​ വളപ്പിൽ ചടങ്ങ്​ നടന്ന​ുകൊണ്ടിരിക്കെയാണ്​ മുകളിൽ ​ഡ്രോൺ പ്രത്യക്ഷപ്പെട്ടത്​​.

അതേസമയം, പാക്​ തലസ്ഥാന നഗരിയിലെ ഇന്ത്യൻ ഹൈകമീഷൻ ഓഫിസിന്​ മുകളിൽ ഡ്രോൺ കണ്ടെത്തിയ സംഭവം നിഷേധിച്ച്​ പാകിസ്​താൻ. സംഭവം സ്ഥിരീകരിക്കുന്ന ഒരു തെളിവും ഇന്ത്യ കൈമാറിയിട്ടില്ലെന്ന്​ പാക്​ വിദേശകാര്യ വക്​താവ്​ സാഹിദ്​ ഹഫീസ്​ ചൗധരി അറിയിച്ചു. ഇന്ത്യൻ ഹൈകമീഷൻ ഓഫിസിന്​ മുകളിലൂടെ ഡ്രോൺ പറന്നുവെന്ന ഇന്ത്യൻ വിദേശകാര്യ മന്ത്രാലയത്തി​‍െൻറ പ്രസ്​താവന ശ്രദ്ധയിൽപെ​ട്ടെന്നും ഈ ആരോപണത്തിന്​ ഒരടിസ്ഥാനവുമില്ലെന്നും പാക്​ പ്രതിനിധി വ്യക്തമാക്കി.

Show Full Article
TAGS:pak Drone Indian High Commission indian army 
News Summary - Drone spotted near Indian High Commission in Pakistan; India strongly objects
Next Story