Top
Begin typing your search above and press return to search.
keyboard_arrow_down
Login
exit_to_app
exit_to_app
ഡോ. കഫീല്‍ ഖാ​െൻറ കേസ് വീണ്ടും നീട്ടി
cancel
Homechevron_rightNewschevron_rightIndiachevron_rightഡോ. കഫീല്‍ ഖാ​െൻറ...

ഡോ. കഫീല്‍ ഖാ​െൻറ കേസ് വീണ്ടും നീട്ടി

text_fields
bookmark_border

ന്യൂ​ഡ​ല്‍ഹി: പൗരത്വ സമരത്തില്‍ പങ്കെടുത്തതിന് ഡോ. കഫീല്‍ ഖാനെതിരെ ദേശീയ സുരക്ഷനിയമം അനുസരിച്ച് നടപടിയെടുത്തതി​െൻറ രേഖകള്‍ സമര്‍പ്പിക്കാൻ ഉത്തര്‍പ്രദേശിലെ യോഗി സര്‍ക്കാറിന് അലഹബാദ് ഹൈകോടതി വീണ്ടും സമയം നീട്ടി നല്‍കി. കഫീലി​െൻറ മാതാവ് നുസ്​ഹത്ത് പര്‍വീന്‍ സമര്‍പ്പിച്ച ഹേബിയസ് കോര്‍പസ് ഹരജി 15 ദിവസത്തിനകം പൂര്‍ത്തിയാക്കണമെന്ന സുപ്രീംകോടതി നിര്‍ദേശം നിലനില്‍ക്കേ കേസ് പരിഗണിക്കുന്നത് ഈ മാസം 27ലേക്ക് ഹൈകോടതി വീണ്ടും നീട്ടുകയും ചെയ്തു.

അടുത്തയാഴ്ച കേസ് പരിഗണിക്കുമ്പോള്‍ കഫീല്‍ഖാനുമായി ബന്ധപ്പെട്ട അസ്സല്‍ രേഖകള്‍ സമര്‍പ്പിക്കണമെന്ന് ചീഫ് ജസ്​റ്റിസ് ഗോവിന്ദ് മാഥൂര്‍, ജസ്​റ്റിസ് സുമിത്ര ദയാല്‍ സിങ്​ എന്നിവരടങ്ങുന്ന ബെഞ്ച് വീണ്ടുമൊരിക്കല്‍കൂടി ആവശ്യപ്പെട്ടു. ഞായറാഴ്ച ഉച്ചക്ക് ഒന്നര മണിയോടെയാണ് ഉത്തര്‍പ്രദേശ് സര്‍ക്കാര്‍ ഡോ. കഫീല്‍ ഖാനെതിരെ സമര്‍പ്പിച്ച അനുബന്ധ സത്യവാങ്​മൂലം ലഭിച്ചതെന്ന് കഫീലി​െൻറ മാതാവ് നുസ്ഹത്ത് പര്‍വീനു വേണ്ടി ഹാജരായ മുതിര്‍ന്ന അഭിഭാഷകന്‍ ദിലീപ് കുമാര്‍ ബോധിപ്പിച്ചു. ഇതിന് മറുപടി തയാറാക്കാന്‍ സമയം വേണമെന്നും ദിലീപ് കുമാര്‍ ആവശ്യപ്പെട്ടു.

എന്നാല്‍, നേരത്തേ നുസ്ഹത്ത് പര്‍വീന്‍ നല്‍കിയ മറുപടിക്ക് തങ്ങളുടെ ഭാഗത്തുനിന്നുള്ള പ്രതികരണമെന്ന നിലയില്‍ ഒരു സത്യവാങ്​മൂലംകൂടി സമര്‍പ്പിക്കാനുണ്ടെന്നും തങ്ങള്‍ക്കും സമയം വേണമെന്നും യോഗി സര്‍ക്കാറിനു വേണ്ടി ഹാജരായ അഡീഷനല്‍ അഡ്വക്കറ്റ് ജനറല്‍ മനീഷ് ഗോയലും ആവശ്യപ്പെടുകയായിരുന്നു.

Show Full Article
TAGS:dr.kafeel khan Yogi Adityanath caa-nrc 
Next Story