മുംബൈയിൽ 40 കോടിയുടെ ഹെറോയിൻ പിടിച്ചെടുത്തു

മുംബൈ: മുംബൈ രാജ്യാന്തര വിമാനത്താവളത്തിലെത്തിയ യാത്രക്കാരിൽ നിന്ന് 40 കോടി വിലവരുന്ന ഹെറോയിൻ പിടിച്ചെടുത്തു. ഡറക്ടറേറ്റ് ഓഫ് റവന്യൂ ഇന്‍റലിജൻസ് (ഡി.ആർ.ഐ) ആണ് എട്ടു കിലോഗ്രാം വരുന്ന ഹെറോയിൻ പിടിച്ചെടുത്തത്. സംഭവുമായി ബന്ധപ്പെട്ട് രണ്ട് വിദേശികളെ അറസ്റ്റ് ചെയ്തിട്ടുണ്ട്.

മയക്കുമരുന്നുമായി യാത്രക്കാർ മുംബൈയിൽ എത്തുന്നുണ്ടെന്ന രഹസ്യ വിവരത്തിന്‍റെ അടിസ്ഥാനത്തിലാണ് ഡി.ആർ.ഐ കസ്റ്റംസ് വിദേശികളെ കസ്റ്റഡിയിലെടുത്ത് ചോദ്യം ചെയ്തത്. യാത്രക്കാരുടെ കൈവശമുള്ള ബാഗ് പരിശോധിച്ചപ്പോഴാണ് നാലു കിലോയുടെ രണ്ട് പാക്കറ്റുകളിലായി ഹെറോയിൻ കണ്ടെത്തിയത്.