കോവിഡ്​ ചികിത്സക്കുള്ള ഡി.ആർ.ഡി.ഒയുടെ മരുന്ന്​ അടുത്തയാഴ്​ച പുറത്തിറങ്ങും

ന്യൂഡൽഹി: കോവിഡ്​ ചികിത്സക്കായി ഡി.ആർ.ഡി.ഒ(ഡിഫൻസ്​ റിസർച്ച്​ ആൻഡ്​ ഡെവലപ്​മെൻറ്​ ഓർഗനൈസേഷൻ) വികസിപ്പിച്ചെടുത്ത മരുന്ന്​ അടുത്തയാഴ്​ച പുറത്തിറങ്ങും. 2-ഡിയോക്​സി-ഡി-ഗ്ലൂക്കോസ്​ എന്ന്​ പേരിട്ടിരിക്കുന്ന മരുന്നി​െൻറ ആദ്യ ബാച്ച്​ അടുത്തയാഴ്​ച വിപണിയിലെത്തിക്കുമെന്നാണ്​ അറിയിച്ചിരിക്കുന്നത്​. 10,000 ഡോസായിരിക്കും ആദ്യ ബാച്ചിൽ ഉണ്ടാവുക.

മരുന്നി​െൻറ ഉൽപാദനം കൂട്ടാനുള്ള നടപടികൾ സ്വീകരിച്ച്​ വരികയാണെന്നും ഡി.ആർ.ഡി.ഒ അറിയിച്ചു. ഡോ.റെഡ്ഡീസ്​ ലബോറട്ടറീസുമായി ചേർന്നാണ്​ മരുന്ന്​ വികസിപ്പിച്ചെടുത്തത്​. വെള്ളത്തിൽ കലക്കി ഉപയോഗിക്കാവുന്ന രീതിയിൽ ചെറിയ പാക്കറ്റുകളിലാണ്​ ​ മരുന്നെത്തുന്നത്​.

ക്ലിനിക്കൽ പരീക്ഷണങ്ങളിൽ മരുന്ന കഴിച്ച കോവിഡ്​ രോഗികൾക്ക്​ എളുപ്പത്തിൽ രോഗമുക്​തിയുണ്ടായതായി ഡി.ആർ.ഡി.ഒ വ്യക്​തമാക്കുന്നു. കോവിഡി​െൻറ ഒന്നാം തരംഗത്തിനിടെ കഴിഞ്ഞ ഏപ്രിലിലാണ്​ മരുന്നി​െൻറ ക്ലിനിക്കൽ പരീക്ഷണം തുടങ്ങിയത്​. മെയിൽ രണ്ടാംഘട്ട പരീക്ഷണവും നടത്തി. തുടർന്ന്​ മെയ്​ മുതൽ ഒക്​ടോബർ വരെയുള്ള കാലയളവിൽ നടത്തിയ മൂന്നാംഘട്ട പരീക്ഷണങ്ങൾ​ക്കൊടുവിലാണ്​ മരുന്നിന്​ അനുമതി ലഭിച്ചത്​.