Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഡോ. കഫീൽ ഖാൻെറ...

ഡോ. കഫീൽ ഖാൻെറ ജാമ്യഹരജി ഇന്നും കേട്ടില്ല; ജഡ്​ജി വീണ്ടും പിന്മാറി

text_fields
bookmark_border
ഡോ. കഫീൽ ഖാൻെറ ജാമ്യഹരജി ഇന്നും കേട്ടില്ല; ജഡ്​ജി വീണ്ടും പിന്മാറി
cancel

ന്യൂഡൽഹി​: പൗരത്വ പ്ര​ക്ഷോഭ പരിപാടിയിൽ പ്രസംഗിച്ചതിന്​ ആറുമാസമായി ജയിലിൽ കഴിയുന്ന ഡോ. കഫീൽ ഖാൻെറ ജാമ്യഹരജി അലഹബാദ്​ ഹൈകോടതി ഇന്നും പരിഗണിച്ചില്ല. ഹരജി കേൾക്കുന്ന ഡിവിഷൻ ബെഞ്ചിലെ ജസ്റ്റിസ് ശശികാന്ത് ഗുപ്ത താൻ ഈ കേസിൽനിന്ന്​ പിൻമാറുന്നതായി നാടകീയമായി അറിയിച്ചു. ഇതേതുടർന്ന്​ കേസ്​ ഒരുമാസ​ത്തേക്ക്​ മാറ്റുന്നതായി കോടതി അറിയിച്ചു.

എന്നാൽ, ജാമ്യഹരജി കേൾക്കുന്നത്​ നിരന്തരം മാറ്റിവെക്കുന്നത്​ നീതിതിനിഷേധമാണെന്ന്​ ബെഞ്ചിലുള്ള മറ്റൊരു ജഡ്​ജിയായ ജസ്റ്റിസ് മഞ്ജുറാണി ചൗഹാനോട്​ കഫീലിൻെറ അഭിഭാഷകൻ ബോധിപ്പിച്ചു. കേസ്​ ഉടൻ പരിഗണിക്കണമെന്നും കക്ഷിക്ക്​ നീതിലഭ്യമാക്കണമെന്നുമുള്ള ഇദ്ദേഹത്തി​​െൻറ അപേക്ഷയെ തുടർന്ന്​ ​കേസ്​ ഒരുമാസത്തേക്ക്​ മാറ്റാനുള്ള തീരുമാനം റദ്ദാക്കി ആഗസ്​റ്റ്​ അഞ്ചിന്​ പരിഗണിക്കാമെന്ന്​ ജഡ്​ജി അറിയിച്ചു. അന്ന്​ പുതിയ ബെഞ്ചായിരിക്കും കേസ്​ കേൾക്കുക. അത്​കൊണ്ടുതന്നെ കേസിൻെറ തുടക്കം മുതലുള്ള ​വാദംകേൾക്കേണ്ടി വരും. ഇത്​ ജാമ്യം ലഭിക്കുന്നത്​ വൈകിപ്പിക്കാൻ ഇടയാക്കും.

ഈ വർഷം ജനുവരി 29നാണ്​ ഡോ. കഫീലിനെ ഉത്തർപ്രദേശ്​ ടാസ്​ക്​ ഫോഴ്​സ്​ മുംബൈയിൽനിന്ന്​ പിടികൂടിയത്​. ഇതിന​ുശേഷം ഇദ്ദേഹം നിരവധി തവണ ജാമ്യാപേക്ഷ നൽകിയെങ്കിലും പലകാരണങ്ങൾ പറഞ്ഞ്​ നീട്ടിവെക്കുകയായിരുന്നു. ഇദ്ദേഹത്തിൻെറ കേസ്​ കേൾക്കേണ്ട ബെഞ്ചിൽ നിന്ന്​ ജഡ്​ജിമാർ പിന്മാറുന്നതും പതിവാണ്​.

ഇന്ന്​ ജസ്റ്റിസ് ശശികാന്ത് ഗുപ്ത പിന്മാറിയപ്പോൾ ‘തങ്ങൾ 12 പ്രാവശ്യമായി ജാമ്യം തേടി കോടതിയിൽ വരുന്നു, ഇനിയും നീട്ടരുത്​’ എന്ന്​ അഭിഭാഷകൻ കോടതി​യെ ബോധിപ്പിച്ചു. തുടർന്നാണ്​ ഒരുമാസത്തേക്ക്​ നീട്ടിയത്​ ഒഴിവാക്കി അടുത്ത ആഴ്​ചയിലേക്ക്​ കേസ്​ മാറ്റിയത്​. ജാമ്യഹരജിയുടെ പുതുക്കിയ പകർപ്പ് നൽകണമെന്ന് കോടതി അഭിഭാഷകനോട് ആവശ്യപ്പെട്ടു 

കഫീൽ ഖാന് വേണ്ടി മാതാവ്​ നുജാത് പർവീനാണ്​ കോടതിയെ സമീപിച്ചത്​. ജാമ്യം നൽകാതെ തടവ്​ അനന്തമായി നീട്ടി ദ്രോഹിക്കാനുള്ള ഭരണകൂട തന്ത്രമാണ്​ അരങ്ങേറുന്നതെന്ന്​ സംശയിക്കുന്നതായി കഫീലിൻെറ സഹോദരൻ അദീൽഖാൻ ‘മാധ്യമം ഓൺലൈനി’നോട്​ പറഞ്ഞു. 

പൗരത്വ പ്ര​ക്ഷോഭവുമായി ബന്ധപ്പെട്ട്​ 2019 ഡിസംബർ 12ന് അലിഗഡ് സർവകലാശാലയിൽനടത്തിയ പ്രസംഗത്തിൻെറ പേരിലാണ്​ ഡോ. കഫീൽ ഖാൻ അറസ്​റ്റിലായത്​. മുംബൈ വിമാനത്താവളത്തിൽനിന്നാണ്​ അദ്ദേഹത്തെ ഉത്തർപ്രദേശ് സ്‌പെഷ്യൽ ടാസ്‌ക് ഫോഴ്‌സ് (എസ്.ടി.എഫ്) പിടികൂടിയത്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BRD Medical CollegeKafeel KhanDr. Kafeel KhanUttar PradeshYogi Adityanath
News Summary - Dr Kafeel Khan bail plea postponed
Next Story