കുട്ടികളുടെ കോവിഡ്​ ചികിത്സക്ക്​ മാർഗരേഖ പുറത്തിറക്കി കേന്ദ്രസർക്കാർ

ന്യൂഡൽഹി: കുട്ടികളുടെ കോവിഡ്​ ചികിത്സക്ക്​ മാർഗരേഖ പുറത്തിറക്കി കേന്ദ്രസർക്കാർ. ബുധനാഴ്​ച രാത്രിയാണ്​ പുതിയ മാർ​ഗരേഖ കേന്ദ്രം പുറത്തിറക്കിയത്​. മൂന്നാംതരംഗം കുട്ടികളെ ബാധിക്കുമെന്ന റിപ്പോർട്ടുകൾക്കിടെയാണ്​ നടപടി. ഡയറക്​ടർ ജനറൽ ഓഫ്​ ഹെൽത്ത്​ സർവീസാണ്​ പുതിയ മാർഗനിർദേശം പുറത്തിറക്കിയത്​.

റെംഡസിവീർ കുട്ടികൾക്ക്​ നൽകരുതെന്നാണ്​ പ്രധാന നിർദേശങ്ങളിലൊന്ന്​​. മരുന്ന്​ 18 വയസിൽ താഴെയുള്ളവരിൽ ഫലപ്രദമാണെന്നതിന്​ തെളിവുകളൊന്നും ലഭിക്കാത്ത സാഹചര്യത്തിലാണ്​ നിർദേശം. സ്​റ്റി​റോയിഡുകളുടെ ഉപയോഗം കാര്യമായ രോഗലക്ഷണങ്ങളില്ലാത്ത കുട്ടികളിൽ ആവശ്യമില്ലെന്നാണ്​ വിലയിരുത്തൽ. 12 വയസിന്​ മുകളിലുള്ള കുട്ടികൾ ആറ്​ മിനിറ്റ്​ നടന്നതിന്​ ശേഷം പൾസ്​ ഓക്​സിമീറ്റർ ഉപയോഗിച്ച്​ രക്​തത്തി​ലെ ഓക്​സിജൻ അളവ്​ പരിശോധിക്കാനും കേന്ദ്രസർക്കാർ നിർദേശിക്കുന്നുണ്ട്​.

പരിശോധനയിൽ രക്​തത്തി​െൻറ ഓക്​സിജൻ അളവിൽ മൂന്ന്​ മുതൽ അഞ്ച്​ ശതമാനത്തി​െൻറ കുറവുണ്ടാവുകയോ, കുട്ടികൾക്ക്​ ശാരീരിക ബുദ്ധിമുട്ടുണ്ടാവുകയോ ചെയ്​താൽ ആശുപത്രിയിൽ പ്രവേശിപ്പിക്കണം. രക്​തത്തിൽ ഓക്​സിജ​െൻറ അളവ്​ 94 ശതമാനത്തിലും താഴ്​ന്നാലും ശ്രദ്ധിക്കണം. എന്നാൽ, ഗുരുതര ആസ്​തമ രോഗമുള്ള കുട്ടികൾക്ക്​ ഇത്തരം ചികിത്സ രീതി നിർദേശിക്കുന്നില്ല.

ചെറിയ രോഗലക്ഷണമുള്ളവർക്ക്​ പാരസെ​റ്റാമോൾ ഡോക്​റുടെ നിർദേശമനുസരിച്ച്​ നൽകാമെന്നും ഡയറക്​ടർ ജനറൽ ഓഫ്​ ഹെൽത്ത്​ സർവീസ്​ പുറത്തിറക്കിയ മാർഗനിർദേശത്തിൽ പറയുന്നു. അവശ്യഘട്ടങ്ങളിൽ രോഗത്തി​െൻറ തീവ്രത മനസിലാക്കാൻ ഹൈ റെസലൂഷൻ സി.ടി സ്​കാനിങ്​ ഉപയോഗിക്കാമെന്നും മാർഗനിർദേശത്തിലുണ്ട്​.