Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബിഹാർ തെരഞ്ഞെടുപ്പ്​...

ബിഹാർ തെരഞ്ഞെടുപ്പ്​ കോവിഡ്​ വ്യാപനത്തിന്​ ഇടയാക്കരുത്​ -പ്രതിപക്ഷം

text_fields
bookmark_border
ബിഹാർ തെരഞ്ഞെടുപ്പ്​ കോവിഡ്​ വ്യാപനത്തിന്​ ഇടയാക്കരുത്​ -പ്രതിപക്ഷം
cancel

പട്​​ന: ബിഹാറിൽ സമ്മതിദാന അവകാശം നിർവഹിക്കാൻ എല്ലാവർക്കും അവസരം ഒരുക്ക​ണമെന്ന്​ ആവശ്യപ്പെട്ട്​ തെരഞ്ഞെടുപ്പ്​ കമീഷന്​ പ്രതിപക്ഷ പാർട്ടികളുടെ കത്ത്​. കോവിഡ്​ 19​​െൻറ സാഹചര്യത്തിൽ എല്ലാവരുടെയും സുരക്ഷ പ്രധാനമാണെന്നും സ്വതന്ത്രവും സത്യസന്ധമായ തെരഞ്ഞെടുപ്പാണ്​ ന​ടക്കേണ്ടതെന്നും കത്തിൽ പറയുന്നു. ബിഹാറിൽ ഒക്​ടോബർ, നവംബർ മാസങ്ങളിൽ നിയമസഭ തെരഞ്ഞെടുപ്പ്​ നടത്താനാണ്​ നിലവിലെ തീരുമാനം. 

തെരഞ്ഞെടുപ്പ്​ പ്രക്രിയ കോവിഡ്​ അതിവേഗ വ്യാപനത്തിന്​ ഇടയാക്കര​ുതെന്ന്​ പ്രതിപക്ഷ പാർട്ടികൾ കത്തിൽ ചൂണ്ടിക്കാട്ടി. 13​കോടി ജനങ്ങളാണ്​ സംസ്​ഥാനത്തുള്ളത്​. ഇതിൽ 7.5 കോടി വോട്ടർമാരുണ്ട്​. ലോകാരോഗ്യ സംഘടനയുടെയും ഇന്ത്യൻ കൗൺസിൽ ഓഫ്​ മെഡിക്കൽ റിസർച്ചി​​െൻറയും നിർദേശപ്രകാരം ആളുകൾ തമ്മിൽ രണ്ടുമീറ്റർ അകലം പാലിക്കണം. പ്രധാനമന്ത്രി ആവർത്തിച്ചുപറയുന്നതും ഇതുതന്നെയല്ലേ​? -പ്രതിപക്ഷ പാർട്ടികൾ ചോദിച്ചു. 

ബി​.ജെ.പി വെർച്വൽ തെരഞ്ഞെടുപ്പ്​ റാലികൾ സംഘടിപ്പിക്കുന്നതിനും മറ്റു തെരഞ്ഞെടുപ്പ്​ കാമ്പയിനുകൾ വിലക്കിയതിനും എതിരെ പ്രതിപക്ഷ പാർട്ടികൾ രംഗത്തെത്തിയിരുന്നു. ഏകപക്ഷീയമായി തെരഞ്ഞെടുപ്പിനെ സ്വാധീനിക്കാനുള്ള നീക്കമാണ്​ ഇതെന്നാണ്​ പ്രതിപക്ഷ ആരോപണം. 

ടെലികോം റെഗുലേറ്ററി അതോറിറ്റി ഓഫ്​ ഇന്ത്യയുടെ കണക്കുപ്രകാരം ജനസംഖ്യയിൽ പകുതിപേർക്ക്​ മാത്രമാണ്​ മൊബൈൽ ​േഫാൺ സൗകര്യമുള്ളത്​. അതിനാൽ തന്നെ വെർച്വൽ തെരഞ്ഞെടുപ്പ്​ കാമ്പയിനുകൾ പകുതി വോട്ടർമാരിലേക്കും എത്തില്ല. കൂടാതെ മൂന്നിൽ ഒരുവിഭാഗം വോട്ടർമാർ തെരഞ്ഞെടുപ്പ്​ പ്രക്രിയയിൽനിന്ന്​ പുറത്തുപോകുമെന്നും പ്രതിപക്ഷ പാർട്ടികൾ ആരോപിച്ചു. 

തെരഞ്ഞെടുപ്പ്​ കമീഷനും ഒമ്പത്​ പ്രതിപക്ഷ പാർട്ടികളും ചേർന്ന്​ വെർച്വൽ മീറ്റിങ്ങ്​ സംഘടിപ്പിക്കുകയായിരുന്നു. ഇതിനിടെ പാർട്ടികൾ ചേർന്ന്​ തെരഞ്ഞെടുപ്പ്​ കമീഷന്​ മെമോറാണ്ടവും സമർപ്പിച്ചു. നേരത്തേ 65 വയസിന്​ മുകളിലുള്ളവർക്ക്​ തപാൽ വോട്ട്​ സംവിധാനം ഏർപ്പെടുത്താൻ തീരുമാനിച്ചിരുന്നു. എന്നാൽ ബിഹാർ തെരഞ്ഞെടുപ്പിൽ ഇൗ തീരുമാനം നടപ്പാക്കില്ല. നിലവിൽ 80 വയസിന്​ മുകളിലുള്ളവർക്ക്​ മാത്രമാണ്​ തപാൽ വോട്ട്​ സൗകര്യം ലഭ്യമാകുക. ബിഹാറിൽ തിരക്ക്​ ഒഴിവാക്കാനായി 34,000 അധികം പോളിങ്​ സ്​റ്റേഷനുകൾ തയാറാക്കാനാണ്​ നിലവിലെ തീരുമാനം. 

Show Full Article
TAGS:Bihar Election covid 19 corona virus 
Web Title - Dont Turn Bihar Election Into Super-Spreader Event Opposition Parties -India news
Next Story