‘സുപ്രീംകോടതിയിലെ രീതി എന്നോട് പറയേണ്ട; എന്റെ കോടതിയിലെ രീതി ഞാൻ തീരുമാനിക്കും’ -ചീഫ് ജസ്റ്റിസ്

ന്യൂ​ഡ​ൽ​ഹി: സു​പ്രീം​കോ​ട​തി​യി​ലെ രീ​തി ത​​ന്നോ​ട് പ​റ​യേ​ണ്ടെ​ന്നും ത​ന്റെ കോ​ട​തി​യി​ൽ ഏ​തു​രീ​തി​യി​ൽ ന​ട​ക്കു​മെ​ന്ന് താ​ൻ തീ​രു​മാ​നി​ക്കു​മെ​ന്നും ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ്. പ​രി​ഗ​ണി​ക്കാ​നു​ള്ള പ​ട്ടി​ക​യി​ൽ​പെ​ടു​ത്തി​യ കേ​സു​ക​ൾ കേ​ൾ​ക്കു​ക​യാ​ണ് സു​പ്രീം​കോ​ട​തി​യി​ലെ രീ​തി എ​ന്ന് സു​പ്രീം​കോ​ട​തി ബാ​ർ അ​സോ​സി​​യേ​ഷ​ൻ പ്ര​സി​ഡ​ന്റ് വി​കാ​സ് സി​ങ് പ​റ​ഞ്ഞ​പ്പോ​ഴാ​യി​രു​ന്നു ചീ​ഫ് ജ​സ്റ്റി​സ് നീ​ര​സ​ത്തോ​ടെ പ്ര​തി​ക​രി​ച്ച​ത്.

ത​ലേ​ന്ന് പ​രി​ഗ​ണി​ക്കാ​തെ​പോ​യ കേ​സ് വീ​ണ്ടും പ​രി​ഗ​ണി​ക്കാ​ൻ വി​കാ​സ് സി​ങ് ശ്ര​ദ്ധ​യി​ൽ​പെ​ടു​ത്തി​യ​പ്പോ​ഴാ​യി​രു​ന്നു ഇ​ത്. അ​ഭി​ഭാ​ഷ​ക​ർ​ക്ക് ചേം​ബ​റു​ക​ൾ അ​നു​വ​ദി​ക്കു​ന്ന​തു​മാ​യി ബ​ന്ധ​പ്പെ​ട്ട കേ​സ് ഈ​യാ​ഴ്ച പ​രി​ഗ​ണി​ക്കാ​ൻ അ​ൽ​പം പ്ര​യാ​സ​മു​ണ്ട് എ​ന്നും അ​ടു​ത്ത​മാ​സം മൂ​ന്നി​ന് പ​രി​ഗ​ണി​ക്കാ​മെ​ന്നും ചീ​ഫ് ജ​സ്റ്റി​സ് ച​ന്ദ്ര​ചൂ​ഡ് പ​റ​ഞ്ഞ​​പ്പോ​ൾ പ​ര​മാ​വ​ധി നേ​ര​ത്തെ കേ​ൾ​ക്കാ​ൻ വി​കാ​സ് സി​ങ് ആ​വ​ർ​ത്തി​ച്ചാ​വ​ശ്യ​പ്പെ​ട്ടു. തി​ങ്ക​ളാ​ഴ്ച പ​ട്ടി​ക​യി​ൽ​പെ​ടു​ത്തി​യി​രു​ന്ന കേ​സാ​ണി​തെ​ന്നും പ​രി​ഗ​ണി​ക്കാ​നു​ള്ള പ​ട്ടി​ക​യി​ൽ​പെ​ടു​ത്തി​യ കേ​സു​ക​ൾ കേ​ൾ​ക്കു​ക​യാ​ണ് സു​പ്രീം​കോ​ട​തി​യി​ലെ രീ​തി എ​ന്നും വി​കാ​സ് സി​ങ് കൂ​ട്ടി​ച്ചേ​ർ​ത്തു.

ഇ​തു​കേ​ട്ട് ക്ഷു​ഭി​ത​നാ​യ ചീ​ഫ് ജ​സ്റ്റി​സ് സു​പ്രീം​കോ​ട​തി​യി​ലെ രീ​തി ത​ന്നോ​ട് പ​റ​യേ​ണ്ട എ​ന്ന് തി​രി​ച്ച​ടി​ച്ചു. ‘‘എ​ന്റെ കോ​ട​തി​യി​ൽ ഏ​ത് രീ​തി ന​ട​ക്കു​മെ​ന്ന് ഞാ​ൻ തീ​രു​മാ​നി​ക്കും. ഇ​ന്ന​ലെ കേ​ൾ​ക്കാ​നു​ള്ള കേ​സു​ക​ളു​ടെ പ​ട്ടി​ക ക​ന​ത്ത​താ​യി​രു​ന്നു. അ​തു​കൊ​ണ്ട് എ​നി​ക്ക് കേ​ൾ​ക്കാ​ൻ ക​ഴി​ഞ്ഞി​ല്ല. വൈ​കീ​ട്ട് ആ​റു​വ​രെ കോ​ട​തി​ന​ട​പ​ടി തു​ട​ർ​ന്നി​രു​ന്നു​വെ​ങ്കി​ൽ അ​ഭി​ഭാ​ഷ​ക​ർ​ക്ക് പ്ര​ശ്ന​മാ​കു​മാ​യി​രു​ന്നു. എ​നി​ക്ക് ഭ​ര​ണ​പ​ര​മാ​യ ജോ​ലി​യും ചെ​യ്യാ​നു​ണ്ട്’’ -ചീ​ഫ് ജ​സ്റ്റി​സ് തു​ട​ർ​ന്നു.

‘പ്ര​ധാ​ന​പ്പെ​ട്ടതെല്ലാം പരിഗണിക്കാനാവില്ല’

ന്യൂ​ഡ​ൽ​ഹി: പ്ര​ധാ​ന​പ്പെ​ട്ട എ​ല്ലാസംഗതികളുമായി സു​പ്രീം​കോ​ട​തി​യി​ലേ​ക്ക് വ​രേ​ണ്ട കാ​ര്യ​മി​ല്ലെ​ന്നും ഇ​തൊ​ക്കെ കാ​ണാ​ൻ ജ​നാ​ധി​പ​ത്യ​രീ​തി​യി​ൽ തെ​ര​ഞ്ഞെ​ടു​ക്ക​​പ്പെ​ട്ട സ്ഥാ​പ​ന​ങ്ങ​ളു​ണ്ടെ​ന്നും ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ്. ത​ങ്ങ​ളു​ടെ നി​യ​ന്ത്ര​ണ​ത്തി​ലു​ള്ള കാ​ര്യ​ങ്ങ​ൾ ചെ​യ്യാ​ൻ ആ ​സ്ഥാ​പ​ന​ങ്ങ​ൾ​ക്ക് ക​ഴി​യു​മെ​ന്നും ചീ​ഫ് ജ​സ്റ്റി​സ് കൂ​ട്ടി​ച്ചേ​ർ​ത്തു. ജോ​ഷി​മ​ഠ് ഭൂ​മി വി​ള്ള​ൽ അ​ടി​യ​ന്ത​ര​മാ​യി ബു​ധ​നാ​ഴ്ച ത​ന്നെ കേ​ൾ​ക്ക​ണ​മെ​ന്ന് അ​ഭി​ഭാ​ഷ​ക​ൻ ആ​വ​ശ്യ​പ്പെ​ട്ട​പ്പോ​ഴാ​ണ് ചീ​ഫ് ജ​സ്റ്റി​സി​ന്റെ പ്ര​തി​ക​ര​ണം. കേ​സ് സു​പ്രീം​കോ​ട​തി 16ന് ​പ​രി​ഗ​ണി​ക്കും.

ജോ​ഷി​മ​ഠ് വി​ള്ള​ൽ ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്നും ജ​ന​ങ്ങ​ൾ​ക്ക് ദേ​ശീ​യ ദു​ര​ന്ത​നി​വാ​ര​ണ സേ​ന​യു​ടെ സ​ഹാ​യം ഉ​റ​പ്പാ​ക്ക​ണ​മെ​ന്നും സ്വാ​മി അ​വി​മു​തേ​ശ്വ​രാ​ന​ന്ദ സ​ര​സ്വ​തി സ​മ​ർ​പ്പി​ച്ച പൊ​തു​താ​ൽ​പ​ര്യ ഹ​ര​ജി​യി​ൽ ആ​വ​ശ്യ​പ്പെ​ട്ടി​രു​ന്നു. ജോ​ഷി​മ​ഠു​കാ​ർ​ക്ക് ന​ഷ്ട​പ​രി​ഹാ​രം ന​ൽ​ക​ണ​മെ​ന്നും ഹ​ര​ജി​യി​ൽ ആ​വ​ശ്യ​പ്പെ​ട്ടി​ട്ടു​ണ്ട്.