‘വാനൊലി’ നിർത്തി ‘ആകാശവാണി’ ആക്കേണ്ട: കേ​ന്ദ്ര സർക്കാറിന് ഡി.എം.കെയുടെ കത്ത്

ന്യൂ​ഡ​ൽ​ഹി: ‘ഓ​ൾ ഇ​ന്ത്യ റേ​ഡി​യോ’ എ​ന്നു പ​റ​യു​ന്ന​ത് നി​ർ​ത്തി ‘ആ​കാ​ശ​വാ​ണി’ എ​ന്നു ത​ന്നെ ഉ​പ​യോ​ഗി​ക്ക​ണ​മെ​ന്ന പ്ര​സാ​ർ ഭാ​ര​തി​യു​ടെ നി​ർ​ദേ​ശ​ത്തി​നെ​തി​രെ ഡി.​എം.​കെ പാ​ർ​ല​മെ​ന്റ​റി പാ​ർ​ട്ടി നേ​താ​വ് ടി.​ആ​ർ. ബാ​ലു കേ​​ന്ദ്ര സ​ർ​ക്കാ​റി​ന് ക​ത്ത​യ​ച്ചു.

ത​മി​ഴ്നാ​ട്ടി​ൽ ആ​കാ​ശ​വാ​ണി​ക്ക് ത​ത്തു​ല്യ​പ​ദ​മാ​യ ‘വാ​നൊ​ലി’ എ​ന്നാ​ണ് ഉ​പ​യോ​ഗി​ച്ചു​വ​രു​ന്ന​തെ​ന്നും ത​മി​ഴ്പ​ദ​ത്തി​നെ​തി​രെ ഹി​ന്ദി അ​ടി​ച്ചേ​ൽ​പി​ക്കാ​നു​ള്ള നീ​ക്ക​ത്തി​നെ​തി​രെ ത​മി​​ഴ്നാ​ട്ടി​ൽ പ്ര​തി​ഷേ​ധ​മു​യ​ർ​ന്നി​ട്ടു​​​ണ്ടെ​ന്നും ഡി.​എം.​കെ നേ​താ​വ് ഓ​ർ​മി​പ്പി​ച്ചു. ഇം​ഗ്ലീ​ഷി​ലും പ്രാ​ദേ​ശി​ക ഭാ​ഷ​ക​ളി​ലു​മു​ള്ള പ്ര​ക്ഷേ​പ​ണ​ങ്ങ​ളി​ൽ ദ​ശ​ക​ങ്ങ​ളാ​യി ഉ​പ​യോ​ഗി​ക്കു​ന്ന ‘ഓ​ൾ ഇ​ന്ത്യ റോ​ഡി​യോ’ അ​ടി​യ​ന്ത​ര​മാ​യി നി​ർ​ത്ത​ലാ​ക്കേ​ണ്ട സാ​ഹ​ച​ര്യ​മെ​ന്താ​ണെ​ന്ന് വാ​ർ​ത്ത വി​ത​ര​ണ പ്ര​ക്ഷേ​പ​ണ മ​ന്ത്രി അ​നു​രാ​ഗ് ഠാ​കു​റി​നു​ള്ള ക​ത്തി​ൽ ബാ​ലു ചോ​ദി​ച്ചു.

ഏ​താ​നും ദി​വ​സ​മാ​യി രാ​ജ്യ​ത്തെ എ​ല്ലാ ആ​കാ​ശ​വാ​ണി നി​ല​യ​ങ്ങ​ളും ‘ഓ​ൾ ഇ​ന്ത്യ റേ​ഡി​യോ’ എ​ന്നു​പ​യോ​ഗി​ക്കു​ന്ന​ത് നി​ർ​ത്തി​വെ​ച്ച​ത് ശ്ര​ദ്ധ​യി​ൽ​​പ്പെ​ട്ട സാ​ഹ​ച​ര്യ​ത്തി​ലാ​ണ് ത​ന്റെ ക​ത്തെ​ന്ന് ബാ​ലു വ്യ​ക്ത​മാ​ക്കി. പ​ഴ​യ തീ​രു​മാ​നം ഇ​പ്പോ​ൾ ന​ട​പ്പാ​ക്കി​യ​തെ​ന്ന് പ്ര​സാ​ർ ഭാ​ര​തി അ​വ​കാ​ശ​പ്പെ​ട്ടാ​ലും അ​ത് ശ​രി​യ​ല്ലെ​ന്നും എ​ല്ലാ​വ​ർ​ക്കും സ്വീ​കാ​ര്യ​മ​ല്ലെ​ന്നും ക​ത്ത് തു​ട​ർ​ന്നു.

പ്ര​സാ​ർ​ഭാ​ര​തി​യു​ടെ തീ​രു​മാ​ന​ത്തി​നെ​തി​രെ ത​മി​ഴ്നാ​ട്ടി​ല​ട​ക്കം പ്ര​തി​ഷേ​ധ​മു​യ​ർ​ന്നി​ട്ടു​ണ്ട്. ആ​കാ​ശ​വാ​ണി​യി​ൽ ത​മി​ഴ്പ​ദം ഉ​പ​യോ​ഗി​ക്കാ​നു​ള്ള അ​വ​കാ​ശം നി​ഷേ​ധി​ച്ച് ത​ൽ​സ്ഥാ​ന​ത്ത് ഹി​ന്ദി അ​ടി​ച്ചേ​ൽ​പി​ക്കു​ന്ന​തി​നെ​തി​രെ നി​ര​വ​ധി രാ​ഷ്ട്രീ​യ ക​ക്ഷി​ക​ൾ രം​ഗ​ത്തു​വ​ന്നി​ട്ടു​ണ്ട്. ഡി.​എം.​കെ​യും ഇ​ക്കാ​ര്യ​ത്തി​ലു​ള്ള പ്ര​തി​ഷേ​ധം അ​റി​യി​ക്കു​ക​യാ​ണെ​ന്നും വി​ഷ​യ​ത്തി​ൽ ഇ​ട​പെ​ട്ട് പൂ​ർ​വ​സ്ഥി​തി പു​നഃ​സ്ഥാ​പി​ക്ക​ണ​​മെ​ന്ന് അ​പേ​ക്ഷി​ക്കു​ക​യാ​ണെ​ന്നും ബാ​ലു ക​ത്തി​ലെ​ഴു​തി.