Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപാർക്കിങ്​ സ്​ഥലം...

പാർക്കിങ്​ സ്​ഥലം ഇല്ലാത്തവർ ഇനി കാർ വാങ്ങേണ്ട

text_fields
bookmark_border
പാർക്കിങ്​ സ്​ഥലം ഇല്ലാത്തവർ ഇനി കാർ വാങ്ങേണ്ട
cancel

ന്യൂഡൽഹി: പാർക്കിങ്​ സ്​ഥലം ഇല്ലാത്തവർക്ക്​ കാർ രജിസ്​റ്റർ ചെയ്​ത്​ നൽകില്ലെന്ന​ പുതിയ നിയമം കേന്ദ്ര സർക്കാർ അവതരിപ്പിക്കാനൊരുങ്ങുന്നു. നിയമം പ്രാബല്യത്തിലായാൽ ഇനി മുതൽ കാർ രജിസ്​റ്റർ ചെയ്യു​േമ്പാൾ പാർക്കിങ്​ സ്​ഥലം ഉണ്ട്​ എന്നതി​െൻറ രേഖ കൂടി സമർപ്പിക്കേണ്ടി വരും. നഗരങ്ങളിലെ പാർക്കിങ്​ പ്രശ്​നത്തെ കുറിച്ച്​ സർക്കാറിന്​ ബോധമുണ്ടെന്നും വൈകാതെ തന്നെ ഇൗ രീതിയിലേക്ക്​ മാറുമെന്നും നഗരവികസന വകുപ്പ്​ മന്ത്രി വെങ്കയ്യനായിഡു പറഞ്ഞു.

നിയമം നടപ്പിലാക്കുന്നതിനുള്ള ശിപാർശ നൽകിയത്​ നഗരവികസന മന്ത്രാലയമാണ്​. നഗരങ്ങൾ ഇന്ന്​ നേരിടുന്ന  വലിയ പ്രശ്​നങ്ങളി​ലൊന്ന്​ വാഹനങ്ങളുടെ പാർക്കിങ്​ പ്രശ്​നമാണെന്നും​  റോഡുകളിലെ തിരക്ക്​ കുറക്കുന്നതിനെ കുറിച്ച്​ തങ്ങൾ ചിന്തിച്ചുകൊണ്ടിരിക്കുകയാണെന്ന്​ നഗരവികസന വകുപ്പിലെ ഉദ്യോഗസ്​ഥൻ പറഞ്ഞു.

നഗര ഗതാഗത സംവിധാനവുമായി ബന്ധപ്പെട്ട്​ പ്രവർത്തിക്കുന്നവരെല്ലാം നീക്കത്തെ  സ്വാഗതം ചെയ്യുകയാണ്​. എന്നാൽ തീരുമാനം നടപ്പിലാക്കുന്നതിന്​ പ്രായോഗിക ബുദ്ധിമുട്ടു​ണ്ടെന്നാണ്​​ പലരുടെയും അഭിപ്രായം​. കാറുകളുടെ രജിസ്​ട്രേഷനുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്നത്​ സംസ്​ഥാന സർക്കാരുകളാണ്​. എന്നാൽ പാർക്കിങ്​ സംബന്ധിച്ച്​ കാര്യങ്ങളിൽ തീരുമാനം എടുക്കേണ്ടത്​ പ്രാദേശിക ഭരണകൂടങ്ങളാണ്​​​. 

അതേ സമയം  സ്വകാര്യ വാഹനങ്ങൾ മാറ്റി പൊതുഗതാഗത സംവിധാനം പ്രോൽസാഹിപ്പിക്കണമെന്നാണ്​ വിദഗ്​ധരുടെ ആവശ്യം. ലോകത്തെ പല വൻ നഗരങ്ങളിലും ഇപ്പോൾ തന്നെ ഇത്തരം നിയമം നിലവിലുണ്ട്​. സമാനമായ നിയമം രാജ്യത്ത്​ നടപ്പിലാക്കിയാൽ പൊതുഗതാഗത സംവിധാനം കൂടുതൽ ഉപയോഗിക്കുന്നതിലേക്ക്​ നയിക്കുമെന്ന്​ ഇൗ രംഗത്ത്​ പ്രവർത്തിക്കുന്ന വിദ്​ഗധർ ചൂണ്ടിക്കാട്ടുന്നു.

മുംബൈ, ഡൽഹി, കൊൽക്കത്ത പോലുള്ള ഇന്ത്യയിലെ വൻ നഗരങ്ങളിലെ പ്രധാന പ്രശ്​നമാണ്​ റോഡരികിൽ വാഹനങ്ങൾ പാർക്ക്​ ചെയ്യുന്നത്​ മൂലമുണ്ടാകുന്ന ട്രാഫിക്​  ബ്ലോക്കുകൾ. 2015ൽ ഹിമാചൽ പ്രദേശ്​ ഹൈക്കോടതി ഷിംല മുൻസിപാലിറ്റിയിൽ രജിസ്​റ്റർ ചെയ്യുന്ന വാഹനങ്ങൾക്ക്​ പാർക്കിങ്​ സ്​ഥലം  കൂടി ആവശ്യമാണെന്ന വ്യവസ്​ഥ വെച്ചിരുന്നു. പാർക്കിങ്​ സ്​ഥലം ലഭ്യമല്ലാത്തവർക്ക്​​ വാഹനം രജിസ്​റ്റർ ചെയ്​ത്​ നൽകേണ്ടന്നും കോടതി നിർദേശമുണ്ടായിരുന്നു.

Show Full Article
TAGS:M Venkaiah Naidu parking space 
News Summary - Don't have parking space? Can't buy car: Centre mulls new norms
Next Story